ជីវិតកម្សាន្ដ

១៤ ឆ្នាំមុន លោកភីថាធ្លាប់និយាយថា ពេញចិត្តអត្តចរិតតារាសម្ដែង Aff Taksaorn ខ្លាំង

បានផុស

២ years មុន

នៅ

ថ្ងៃអង្គារ ១៦ ឧសភា ២០២៣

ដោយ

បន្ទាប់ពីគណបក្សចលនាឆ្ពោះទៅមុខ (Move Forward) របស់លោក ភីថា លីមចារើនរ៉ាត់ ទទួលជ័យជម្នះដ៏គួរឲ្យភ្ញាក់ផ្អើលនៅក្នុងការបោះឆ្នោតសកលកាលពីថ្ងៃទី ១៤ ខែឧសភា ពេលនេះទាំងប្រវត្តិរូបនិងអត្តចរិតនារីក្នុងសុបិនរបស់លោក ត្រូវបានគេទម្លាយគ្មានសល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ទំព័រហ្វេសបុកដ៏ល្បីមួយបានបង្ហោះវីដេអូចាស់របស់លោកភីថាក្នុងបទសម្ភាសន៍មួយ ដោយកាលពី ១៤ ឆ្នាំមុនលោកបាននិយាយពីអត្តចរិតនិងបុគ្គលិកលក្ខណៈរបស់របស់នារីក្នុងក្ដីសុបិនថា គឺជាតារាសម្ដែងស្រី Aff Taksaorn។

ក្នុងបទសម្ភាសន៍នោះ បុរសពោះម៉ាយរូបនេះបានបញ្ជាក់ថា “សម្រាប់ចរិតមនុស្សស្រីទូទៅ ខ្ញុំចូលចិត្តភាពស្រស់ស្អាតពីខាងក្នុង មិនចូលចិត្តការឆ្លងកាត់ការវះកាត់ ជាពិសេស កាន់តែមើលកាន់តែស្អាត ហើយកាន់តែស្រស់ស្អាតជារៀងរាល់ថ្ងៃ។ Aff Taksorn គួរឲ្យស្រលាញ់ ចិត្តល្អ ធ្លាប់ជួបនាងម្ដង។ ពេលនោះខ្ញុំគិតថាខ្ញុំត្រូវតែសង្ហា ហើយហ៊ាននិយាយជាមួយនាង តែពេលជួបមុខពិបាកនិយាយជាមួយគាត់ ព្រោះអៀននឹងគាត់ណាស់”។

យ៉ាងណាមិញ ក្រោយឃ្លិបនៃការសម្ភាសន៍ត្រូវបានគេចែកចាយតាមអ៊ីនធឺណិត មហាជនជាច្រើនហាក់រំភើបនិងមានក្ដីត្រេកអរនឹងពួកគេទាំងពីរយ៉ាងខ្លាំង។ ថ្វីត្បិតតែវាជាវីដេអូកាល១៤ឆ្នាំមុន ប៉ុន្តែអ្នកទាំងពីរក៏ជាមនុស្សស្គាល់គ្នាកន្លងមកដែរ។ ម្យ៉ាងវិញទៀត ទាំងលោកភីថានិងតារាសម្ដែង Aff Taksorn សុទ្ធតែពោះម៉ាយនិងមេម៉ាយគ្មានគូគាប់ណាមកជំពាក់ចិត្តដូចមុនទេ។

ទោះយ៉ាងណាក៏ដោយ កាលពីពេលថ្មីៗនេះលោកលោក ភីថា លីមចារើនរ៉ាត់ ធ្លាប់ចេញមុខមកបញ្ជាក់ថា ទំនាក់ទំនងរវាងលោកនិងតារាសម្ដែងរៀមច្បង Aff Taksorn គ្រាន់តែជាមិត្តស្គាល់គ្នាប៉ុណ្ណោះ។ ហើយពួកគេក៏មិនមានអ្វីលើសនឹងដែរ ប៉ុន្តែទៅថ្ងៃមុខយ៉ាងណាទៀតទស្សនិកជនមានតែរង់ចាំមើលនោះទេ៕