ជីវិតកម្សាន្ដ

លោក សាក់ ធារិទ្ធ បកស្រាយជំនួស តន់ ចន្ទសីម៉ា ក្រោយរងការរិះគន់ Cover ចម្រៀងភាសាអង់គ្លេស

បានផុស

២ years មុន

នៅ

ថ្ងៃពុធ ១៧ ឧសភា ២០២៣

ដោយ

បន្ទាប់ពីមានការរិះគន់ទៅលើតារាចម្រៀង កញ្ញា តន់ ចន្ទសីម៉ា ក្រោយទម្លាយនូវបទចម្រៀងដែល Cover ច្រៀងជាភាសាអង់គ្លេស ហាក់មិនត្រូវចំប៉ារ៉ូល ឬខុសពាក្យ នៃបទដើមរបស់គេនោះ លោក សាក់ ធារិទ្ធ ដែលអ្នកនិពន្ធបទភ្លេងប្រចាំផលិតកម្មហ្គាឡាក់ស៊ី និងជាអ្នកកាន់ការងារលើការ Cover បទចម្រៀងឲ្យ តន់ ចន្ទសីម៉ា បានចេញមុខបកស្រាយជុំវិញបញ្ហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរិះគន់បានលើកឡើងថា និយាយមែន សុំតែម្ដង ប្អូនស្រីជាតារាជួរមុខម្នាក់ដែរ ហេតុអ្វីបានធ្វើការCover បទបរទេសណាមួយ ហេតុអ្វីមិនធ្វើឲ្យល្អមុននឹងយកមកផុស? ដូចច្រៀងលេងៗ និយាយត្រង់ ១ បទនេះខុសពាក្យគេចង់ ៥០ ភាគ មិនមែនតែបទនេះទេ សឹងគ្រប់បទ យល់ល្អមិនបាច់Cover ល្អជាង ព្រោះបទប្អូនមួយបទៗសុទ្ធតែល្បីៗទាំងក្នុង និងក្រៅប្រទេសស្រាប់ហើយ។

ឆ្លើយតបការលើកឡើងនេះ លោក សាក់ ធារិទ្ធ បានបញ្ជាក់ថា «ខ្ញុំជាអ្នកកាន់ការងារនេះ ខ្ញុំសូមជម្រាបជូនថា ខ្ញុំជាអ្នកសុំឲ្យកញ្ញា តន់ ចន្ទសីម៉ា ច្រៀងកុំឲ្យដូចម្ចាស់ដើមបទអង់គ្លេសពេក ព្រោះកុំឲ្យជាប់ Copyright លើ Internet បើឲ្យគាត់ច្រៀងមែនទែន អ្នកសើចចំអកនឹងបើកភ្នែកធំៗ សូមកុំមើលតែមួយជ្រុង ខ្ញុំចង់ឲ្យគាត់ប្ដូរទាំងមេឡូឌីទៀតផង តែដោយសារកុំឲ្យខុសទ្រង់ទ្រាយដើមឆ្ងាយពេក ខ្ញុំមានទាំងវីដេអូអំពីការប្ដូរមេឡូឌីទៀតផង»។

លោកនិយាយបន្ថែមទៀតថា «តើអ្នកសើចចំអកគាត់ចង់មើលដែរឬទេ? តែខ្ញុំគិតថា គ្មានប្រយោជន៍ទេ ពួកខ្ញុំធ្វើអ្វីពួកខ្ញុំដឹងខ្លួនឯងហើយ។ គួរបញ្ជាក់ផងដែរថា សូមបងប្អូនមើលវីដេអូ Cover របស់ជនជាតិដទៃមួយចំនួនធំថា តើការច្រៀងរបស់ពួកគាត់យ៉ាងណាដែរ បងប្អូននឹងយល់ហើយ មិនបាច់ចាំឲ្យច្រៀងដូចម្ចាស់ដើមនោះ ហើយថាល្អនោះទេ សំខាន់គឺលើទឹកដមសំនៀងសំឡេងរបស់គាត់ គឺពីរោះ គឺគេចូលចិត្តស្ដាប់ហើយ។ ពួកយើងក៏មានគម្រោងឲ្យគាត់ច្រៀងភាសាដទៃជាច្រើនទៀតផងដែរ»៕

អត្ថបទ ៖ ចាន់រ៉ា