ខ្សែ ក ដែល Lisa ពាក់ម្សិលមិញ តម្លៃជិត ៤០លានដុល្លារ

កាលពីថ្ងៃទី១៧ ខែឧសភា ឆ្នាំ២០២៣ តារារ៉េប Lalisa សមាជិក Blackpink បានបង្ហាញវត្តមានក្នុងព្រឹត្តិការណ៍ Bulgari Mediterranea High Jewelry ក្នុងនាមជាទូតសុឆន្ទៈ នៅឯទីក្រុង Venice ប្រទេសអ៊ីតាលី ដោយ​មាន​តារា​ល្បីៗជាច្រើនជុំវិញ​ពិភពលោក​ចូលរួម​ផង​ដែរ។

បង្ហាញខ្លួនជាអន្តរជាតិលើកនេះ Lalisa បានទទួលពាក្យសរសើរពីគ្រប់មជ្ឈដ្ឋានលើរូបសម្រស់ស្រស់ស្អាតប្រៀបបាននឹងទេពធីតាលើដី ជាពិសេសឈុតអលង្ការដែលនាងពាក់សម្ញែង កាន់តែធ្វើឱ្យមហាជនចាប់អារម្មណ៍ និងចង់ដឹងពីតម្លៃរបស់វា។

ជាមួយគ្នានោះ គេបានដឹងថា ត្រឹមតែខ្សែ ក មួយមុខប៉ុណ្ណោះ តម្លៃរបស់វារហូតដល់ជាង ៣០លានដុល្លារឯណោះ ដែលខ្សែ ក នេះ មានតម្លៃប្រមាណ ៣៧លានដុល្លារ។ ខ្សែ-ក ម៉ាក Bulgari មួយខ្សែនេះច្នៃចេញពីប្លាទីន ជាមួយយត្បូងមរកតធំៗចំនួន ៩គ្រាប់ ត្បូងមរតករាងមូល ៣០គ្រាប់ និងត្បូងពេជ្ររាងមូលចំនួន ៦២គ្រាប់។

យ៉ាងណាមិញ អលង្ការផ្សេងទៀតរួមមាន ក្រវិល ចិញ្ចៀន និងខ្សែដៃ ពុំទាន់មានសារព័ត៌មានណាទម្លាយតម្លៃពិតនៅឡើយ៕

ប្រែសម្រួល៖ សន្យា

ចុចអាន៖ ស៊ីន យូប៊ីន ស៊ូកាន់ឈើច្រត់ដើរលើកម្រាលព្រំក្រហមមហោស្រពភាពយន្តពិភពលោក នៅបារាំង

ចុចអាន៖ HYBE និង YG ឆ្លើយហីៗ ជុំវិញពាក្យចចាមអារ៉ាមណាត់ជួបរវាង Jennie និង V