មិនទាន់ដល់ថ្ងៃការផង មិត្តសម្លាញ់ Kimberly ជូនអំណោយយ៉ាងភ្ញាក់ផ្អើលមុនបាត់

ថ្វីត្បិតពិធីអាពាហ៍ពិពាហ៍របស់គូស្នេហ៍ Mark-Kimberly នៅសល់ ៤ខែទៀតក៏ពិតមែន ប៉ុន្តែមិត្តសម្លាញ់របស់អនាគតកូនក្រមុំហាក់អន្ទះសារខ្លាំង មិនអាចរង់ចាំឱ្យដល់ថ្ងៃនោះទេ ដោយនាងបានទិញអំណោយជាពិសេសជូន Kimberly មុនគេតែម្ដង។

យោងតាមការបង្ហោះ Story របស់ Kimberly នៅលើបណ្ដាញ Instagram នាងបានទទួលប្រអប់កាដូមួយពីមិត្តរបស់នាង ដែលក្នុងនោះមានសំបុត្រជូនពរមួយច្បាប់ ស្រាសាំប៉ាញមួយដប កែវសា្រមួយ ទឹកអប់មួយដប ស្រោមលិខិតឆ្លងដែនមួយ ​និងខ្សែដៃពណ៌បៃតងមួយខ្សែ។ ជាមួយនឹងការបង្ហោះរូបភាព Kimberly មិនបានរៀបរាប់អ្វីច្រើននោះទេ នាងគ្រាន់តែប្រាប់ថា វាជាអំណោយពី Bestie (មិត្តសម្លាញ់) របស់នាង។

ជាមួយគ្នានោះគេបានដឹងដែរថា ពិធីមង្គលការ Mark-Kimberly ដែលនឹងរៀបចំនៅប្រទេសអ៊ីតាលី នឹងប្រព្រឹត្តឡើងនៅថ្ងៃទី១៤ ខែកញ្ញា ឆ្នាំ២០២៣ ចំណែកពិធីនៅប្រទេសថៃនឹងប្រារព្ធនៅខែវិច្ឆិកា តែមិនទាន់ដឹងថ្ងៃជាក់លាក់នោះទេ៕

ប្រែសម្រួល៖ សន្យា

ចុចអាន៖ គូស្នេហ៍ Mark-Kimberly បង្ហាញផ្ទះថ្មី ត្រៀមចូលនៅក្រោយរៀបការ

ចុចអាន៖ ខ្សែ ក ដែល Lisa ពាក់ម្សិលមិញ តម្លៃជិត ៤០លានដុល្លារ