ជីវិតកម្សាន្ដ

តារាសម្ដែងមួយរូបរម្លឹកគុណបំណាច់ដល់បុគ្គលល្បីៗ២រូបធ្លាប់ជួយខ្លួនកាលពី២៥ឆ្នាំមុន

បានផុស

៤ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

តារាសម្តែងដែលទទួលបានកាគាំទ្រខ្លាំងតាមរយៈខ្សែភាពយន្តរឿង «អ្នកទោសហែកគុក» គឺលោក សាវិន ហ្វីលីព ថ្មីៗនេះបានបញ្ចេញនូវរូបថតអតីតកាលចំនួន២សន្លឹក រម្លឹកដល់រឿង២៥ឆ្នាំមុន។

ជាមួយគ្នានៃការរំលេចរូបថតពីរសន្លឹករម្លឹកដល់រឿងអតីតកាល២៥ឆ្នាំមុននេះដែរលោក សាវិន ហ្វីលីព ក៏បានបង្ហើបនូវការដឹងគុណចំពោះបុគ្គលល្បីៗ២រូបដែលធ្លាប់ជួយលោកឲ្យមានឈ្មោះល្បីលើវិថីសិល្បៈរហូតដល់ពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា មានឱកាសសិល្បៈដល់សព្វថ្ងៃនេះ គឺបានបុគ្គលល្បី២រូនោះហើយដែលបានជួយលោកឲ្យសាងកេរ្តិ៍ឈ្មោះល្បី។ លោក សាវិន ហ្វីលីព បានប្រាប់កម្ពុជាថ្មីឲ្យដឹងបន្ថែមថា នេះជារូបថតរបស់ខ្ញុំកាលពី២៥ឆ្នាំមុន(១៩៩៥)ដែលបានសម្តែងនៅក្នុងភាពយន្តភាគរឿង«ភ្នំទាបជាងស្មៅ»។ លោកបន្តថា ពេលឃើញឬរម្លឹកដល់រឿងនេះ គឺលោកចងចាំមិនភ្លេចឡើយចំពោះពួកគាត់។

តារាសម្តែងរូបនេះបានបញ្ជាក់ប្រាប់ពីអត្តសញ្ញាណរបស់បុគ្គលទាំង២ខាងលើទៀតថា “សម្រាប់ខ្ញុំផ្ទាល់ពេលនេះតែងតែនឹកដល់គុណអ្នកដឹកនាំរឿងល្បីឈ្មោះគឺលោក ហ្វៃ សំអាង និងលោក ស្រី អ៊ីវ៉ែត សំ ជាម្ចាស់ផលិតកម្មអង្គរវត្តដែលបានជ្រើសរើសយកខ្ញុំអោយចូលរួមសម្ដែងក្នុងរឿងនោះ ទើបធ្វើអោយខ្ញុំអាចមានឱកាសត្រឡប់មកសាងកេរ្តិ៍ឈ្មោះម្ដងទៀតនាអំឡុងឆ្នាំ២០១០ក្នុងពិភពសិល្បៈរហូតដល់ថ្ងៃនេះ”។

សូមជម្រាបថា លោក សាវិន ហ្វីលីព បច្ចុប្បន្នមហាជនកត់សម្គាល់ឃើញថាខណៈពេលដែលអាជីពសិល្បៈនិងមុខជំនួញអចលទ្រព្យបានដំណើរការជោគគជ័យនោះគឺកាន់តែធ្វើឲ្យលោកមានទំនុកចិត្តខ្ពស់ទាំងអាជីពសិល្បៈនិងមុខជំនួញ ស្របពេលដែលចំណូលក៏ហក់ឡើងផងនោះ៕

អត្ថបទ ៖ ចាន់រ៉ា