ជីវិតកម្សាន្ដ

មកដឹងពីជំងឺប្រចាំកាយរបស់តារាអន្តរជាតិ ១០ នាក់

បានផុស

២ years មុន

នៅ

ថ្ងៃសៅរ៍ ២០ ឧសភា ២០២៣

ដោយ

មនុស្សជាច្រើនកំពុងជួបបញ្ហាសុខភាព ទោះបីជាបុគ្គលល្បីក៏ដោយនៅតែមិនអាចជៀសផុតពីការព្យាបាទបានដដែល ។ ខាងក្រោមគឺជាតារាអន្តរជាតិ ១០ នាក់ ដែលមានជំងឺប្រចាំកាយ ៖

១. Michael J. Fox

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់ទៅកាន់ឆ្នាំ ១៩៩១ លោក Michael មានអាយុ ២៩ ឆ្នាំប៉ុណ្ណោះពេលមានជំងឺ Young-onset Parkinson’s ។ រោគសញ្ញាដំបូងរបស់គាត់គឺកន្ត្រាក់កូនដៃអំឡុងពេលថតរឿង “Doc Hollywood” មិនត្រឹមតែបន្តការសម្ដែងទេ លោក Michael ថែមទាំងបង្កើតមូលនិធិ The Michael J. Fox ក្នុងឆ្នាំ ២០០០ សម្រាប់ការស្រាវជ្រាវជំងឺ Parkinson ទៀតផង ។

២. George Clooney

កំពុងថតរឿង Syriana ក្នុងឆ្នាំ ២០០៥ សុខៗ George បានធ្លាក់ពីលើកៅអីបណ្ដាលឲ្យរបួសក្បាលយ៉ាងធ្ងន់ធ្ងរ ។ មកទល់បច្ចុប្បន្ន គាត់នៅតែមានការឈឺចាប់រ៉ាំរ៉ៃ និងធ្វើទុក្ខមួយអាទិត្យបីដង ។

៣. Alec Baldwin

Alec Baldwin មានជំងឺឡែមជាប់ខ្លួនរាប់សិបឆ្នាំមកហើយ គាត់ប្រាប់សារព័ត៌មាន People ថា “ខ្ញុំស្មានថាមិនរស់ទេ ខ្ញុំឯកាណាស់ ពេលនោះទើបតែលែងលះប្រពន្ធទីមួយរបស់ខ្ញុំរួច ។ ខ្ញុំគេងលើគ្រែគិតថានឹងស្លាប់ដោយសារជំងឺឡែមជាមិនខាន និងសូមឲ្យគេរកសពឃើញឆាប់ៗផង” ។

៤. Lil Wayne

អ្នកចម្រៀងរ៉េបដ៏ល្បីរូបនេះមានជំងឺឆ្កួតជ្រូកចាប់តាំងពីចូលធ្វើការដំបូងមកម្ល៉េះ ។

៥. Bella Hadid

Bella កំពូលតារាម៉ូដែលពិភពលោកដែលត្រូវជាប្អូនស្រី Gigi Hadid តាមពិតមានជំងឺឡែមជាជំងឺប្រចាំកាយសោះ ។

៦. Will.i.am

កាលពីឆ្នាំ ២០១៣ Will.i.am បានប្រាប់ទស្សនាវដ្ដី Mirror ពីការលំបាកពេលផលិតភ្លេងព្រោះលោកមានជំងឺ ADHD ។

៧. Selena Gomez

Selena មានជំងឺលុយពីស និងធ្លាប់វះកាត់ប្ដូរក្រលៀនជាមួយអតីតមិត្តចាស់ម្នាក់ដែរ មកដល់ឆ្នាំ ២០២០ នាងមានជំងឺថែមមួយទៀតគឺ បាយប៉ូឡា ។

៨. Bono

Bono បានកើតជំងឺដក់ទឹកក្នុងភ្នែកអស់រយៈពេល ៣ ទសវត្សរ៍មកហើយ ដូច្នេះគាត់តែងតែពាក់វ៉ែនតាការពារពន្លឺជានិច្ច ។

៩. Nick Jonas

Nick កើតជំងឺទឹកនោមផ្អែមប្រភេទទី ១ តាំងពីគាត់មានអាយុត្រឹម ១៦ ឆ្នាំ ។

១០. Pete Davidson

ពេល Pete Davidson មានជំងឺ Crohn គាត់ទើបតែ ១៧ ឬ ១៨ ឆ្នាំប៉ុណ្ណោះ ។ នៅក្នុងបទសម្ភាសន៍ជាមួយ High Times គាត់បានពន្យល់ថា កញ្ឆាមានសារៈសំខាន់ណាស់សម្រាប់គ្រប់គ្រងការឈឺក្រពះរបស់គាត់ ។ Pete បន្ត “ខ្ញុំនឹងមិនអាចសម្ដែងក្នុង Saturday Night Live បានទេប្រសិនបើខ្ញុំមិនជក់បារី ។ ខ្ញុំពិតជាមិនអាចធ្វើអ្វីបានមែន ខ្ញុំសម្តែងមិនត្រូវសោះ វាជារឿងដ៏អាក្រក់សម្រាប់ខ្ញុំ ព្រោះខ្ញុំមានអារម្មណ៍មិនល្អ” ៕

ប្រែសម្រួល ៖ វារី

ចុចអាន ៖ តារាលំដាប់ពិភពលោក ៨ នាក់ ធ្លាប់ត្រូវគេផ្សព្វផ្សាយថា ស្លាប់ដោយមិនដឹងខ្លួន