Netflix គ្រោងចេញផ្សាយភាពយន្តអំពីតារាសម្ដែង Sulli ដើម្បីគោរពដល់​វិញ្ញាណក្ខន្ធនាង

យោងតាមការចុះផ្សាយពីបណ្ដាញព័ត៌មានកូរ៉េ បានឱ្យដឹងថា ក្រុមហ៊ុន Netflix គ្រោងនឹងចេញផ្សាយភាពយន្ត “Persona: Sulli” ដើម្បីជាការរម្លឹក និងគោរពដល់​វិញ្ញាណក្ខន្ធរបស់តារាសម្ដែង Sulli ដែលបានទទួលមរណភាពកាលពីឆ្នាំ២០១៩។

កាលពីថ្ងៃទី២០ ខែឧសភា ឆ្នាំ២០២៣ ក្រុមហ៊ុន Netflix បានប្រកាសថា ខ្លួននឹងចាកផ្សាយភាគពិសេសមួយផ្នែកនៃស៊េរីរឿងភាគ “Persona” នៅថ្ងៃទី១៦ ខែមិថុនា ខាងមុខ ដែលភាគនេះនឹងរៀបរាប់ពីជីវិតរបស់តារាស្រី Sulli​ ។

ភាពយន្តនេះដែរ នឹងមានបញ្ចូលនូវបទសម្ភាសន៍ស៊ីជម្រៅដែលផ្តល់ដោយ Sulli ផ្ទាល់ មុនពេលនាងស្លាប់ កំលុងឆ្នាំ២០១៩។ តាមពិតកាលនាងមិនទាន់លាចាកលោក ពោលគឺពេលកំពុងថតរឿង “Persona” ​ផលិតករមានបំណងថតវាចំនួន ៥ភាគ ប៉ុន្តែរឿងនេះថតមិនទាន់ចប់ផង​ នាងក៏មរណភាពទៅ។

ក្រោយសេចក្តីប្រកាសបានផ្សព្វផ្សាយ ប្រិយមិត្តនៃវិស័យ K-Pop ជាពិសេសហ្វេនរបស់ Sulli បានសម្ដែងការគាំទ្រ និងសាទរយ៉ាងខ្លាំងចំពោះការចាក់ផ្សាយភាពយន្ត “Persona: Sulli” ៕

ប្រែសម្រួល៖ សន្យា

ចុចអាន៖ ហ្វាន ពីងពីង លេចធ្លោខ្លាំង នៅលើកម្រាលព្រំក្រហម ប្រទេសបារាំង

ចុចអាន៖ ខ្សែ ក ដែល Lisa ពាក់ម្សិលមិញ តម្លៃជិត ៤០លានដុល្លារ