Yaya លែងខ្លួនពេញបណ្ដាញសង្គម ហាក់មិនក្រែងចិត្តមិត្តប្រុស

បន្ទាប់ពីហោះមកពីអ៊ីតាលីវិញ តារាសម្ដែង Yaya Urassaya ស្រាប់តែធ្វើឱ្យហ្វេនៗបើកភ្នែកធំៗ ក្រោយពេលនាងបង្អួតរាងសិចស៊ី ដោយស្លៀកខោខូវប៊យ និងពាក់អាវក្នុងពណ៌ខ្មៅ វាលសាច់ល្វែងលើសឹងទាំងស្រុង។

ថ្វីត្បិតត្រឡប់មកពីធ្វើការក្រៅប្រទេសវិញ មិនបានធ្វើដំណើរកម្សាន្តទៅណាឆ្ងាយ ​ប៉ុន្តែYaya បានបង្ហោះរូបប៉ុន្មានសន្លឹកនៅផ្ទះ ដែលធ្វើឱ្យអ្នកគាំទ្រនាំគ្នាបញចេញមតិផ្សេងៗគ្នាជាច្រើន ខណៈស្លៀកពាក់បង្អួតសាច់លើកនេះ អ្នកគាំទ្ររបស់នាងបានលើកសរសើរពីដងខ្លួនតូចច្រឡឹង ចង្កេះតូចស្ដើង និងភាពសិចស៊ីទាក់ភ្នែក ដែលគេកម្របានឃើញ។ ជាមួយគ្នានោះ សូម្បីមិត្តភក្តិក្នុងរង្វង់សិល្បៈដូចជា តារាសម្ដែង Margie Rasri តារាសម្ដែង Janie Tienphosuwan និង Kimberly ជាដើម នាំគ្នាបញ្ចេញមតិស្រដៀងគ្នាថា រូបរបស់​ Yaya ពិតជាសិចស៊ីខ្លាំងណាស់។

ដោយឡែកចំពោះមិត្តប្រុសរបស់នាង គឺតារាសម្ដែង Nadach បែរជាពុំមានខមមិនអ្វីសោះ ដែលធ្វើអ្នកគាំទ្រមួយចំនួនបង្អាប់លេងថា លោកទំនងជាកំពុងប្រចណ្ឌហើយមើលទៅ៕

ប្រែសម្រួល៖ សន្យា

ចុចអាន៖ Baifern ក្លាយជាតារាស្រីដែលគេយកគម្រូវះកាត់មុខតាមច្រើនបំផុត