រ៉ូបព្រះនាង Leia ក្នុងរឿង Star Wars ដាក់ដេញថ្លៃរហូតដល់ ២លានដុល្លារ

រ៉ូបមួយឈុតរបស់ព្រះនាង Leia ក្នុងខ្សែភាពយន្តហូលីវូដរឿង Star Wars ត្រូវបានដាក់ដេញថ្លៃរហូតដល់ ២លានដុល្លារអាមេរិក ពេលនេះនៅមិនទាន់រកម្ចាស់ឃើញនៅឡើយ។

រ៉ូបពណ៌សមួយឈុតនេះ ត្រូវបានអតីតតារាសម្តែង Carrie Fishe ស្លៀកពាក់ដើរតួរជាព្រះនាង Leia ក្នុងរឿង Star Wars វគ្គ៤ ឆ្នាំ១៩៧៧ ពេលនេះកំពុងដាក់ដេញថ្លៃតម្លៃពី១-២លានដុល្លារ ហើយនឹងបញ្ចប់ការដេញថ្លៃចាប់ពីថ្ងៃទី២៨-៣០ ខែមិថុនា ឆ្នាំ២០២៣ ខាងមុខនេះ។

គួរបញ្ជាក់ថា រ៉ូបរបស់ព្រះនាង Leia ត្រូវបានគេយកមកដាក់ដេញថ្លៃ ក្រោយរក្សាទុកអស់ពេលយ៉ាងយូរ បន្ទាប់ពីតារាសម្ដែង Carrie Fishe បានទទួលមរណភាព កំលុងឆ្នាំ២០១៦។ ក្រៅពីរ៉ូបមួយឈុតនេះ គេក៏ដាក់ដេញថ្លៃរបស់របរផ្សេងទៀតជាច្រើន ដែលសុទ្ធជាសម្ភារយកពីខ្សែភាពយន្តល្បីៗកាលជំនាន់ទសវត្សរ៍ ៧០ និង ៨០ ប្លាយ៕

ប្រែសម្រួល៖ សន្យា

ចុចអាន៖ វត្ថុប្រើប្រាស់របស់តារាល្បីៗ ដាក់ដេញថ្លៃតម្លៃវាល់លាន