ជីវិតកម្សាន្ដ

តារាស្រីចិន ៤ ដួង លេចធ្លោខ្លាំងរឿងសម្រស់ លើកម្រាលព្រំក្រហម

បានផុស

២ years មុន

នៅ

ថ្ងៃចន្ទ ២៩ ឧសភា ២០២៣

ដោយ

ព្រឹត្តិការណ៍កម្រាលព្រំក្រហមគឺជាឱកាសសម្រាប់តារាចិនដើម្បីបង្អួតសម្រស់របស់ពួកគេ។ តារាជាច្រើនបានល្បីល្បាញដោយសាររូបរាងលើកម្រាលព្រំក្រហមដ៏ស្រស់ស្អាត ស្របពេលថ្មីៗនេះ អ្នកនិយមលេងអ៊ីនធឺណិតបានបោះឆ្នោតឲ្យតារា៤ដួងកំពុងជះភាពស្រស់ស្អាតទាក់ចិត្តអ្នកទស្សនាលើកម្រាលព្រំក្រហម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហ្វាន់ ពីងពីង ត្រូវបានគេចាត់ទុកថាជារឿងព្រេងនៃកម្រាលព្រំក្រហមទាំងក្នុងនិងក្រៅប្រទេស។ តាំងពីនាងមិនទាន់ល្បី ឬឈានដល់កម្រិតកំពូលនៃអាជីពរបស់នាងមិនដែលធ្វើឲ្យអ្នកគាំទ្រខកចិត្ត នៅពេលបង្ហាញខ្លួនក្នុងព្រឹត្តិការណ៍នានា។ ថ្មីៗនេះ បើទោះបីជាត្រូវបានផ្សាភ្ជាប់នៅក្នុងទីផ្សារប្រទេសចិនក៏ដោយ ប៉ុន្តែរូបរាងដ៏ស្រស់ស្អាតរបស់តារាស្រីនៅ Cannes នៅតែធ្វើឲ្យអ្នកនិយមលេងអ៊ីនធឺណិតសរសើរមិនដាច់ពីមាត់។

តារាស្រីបន្ទាប់ពី ហ្វាន់ ពីងពីង គឺ Dilraba Dilmurat ខណៈពេលដែលនាងបង្ហាញខ្លួនលើកម្រាលព្រំក្រហមសម្រស់របស់នាងបានក្លាយជាប្រធានបទនៃការពិភាក្សាអស់រយៈពេលជាយូរមកហើយ។

សម្រាប់ Angelababy ថ្វីត្បិតតែនាងមិនមានអាជីពលេចធ្លោដូចមិត្តរួមអាជីពក្នុងវ័យដូចគ្នាក៏ដោយ ប៉ុន្តែសម្រស់របស់នាងមិនអាចប្រកែកបានឡើយ។ ទើបតែឈានចូលវ័យ៣៤ឆ្នាំ ប៉ុន្តែតារាស្រីរូបនេះ នៅតែទាក់ទាញចិត្តក្មេងៗជំនាន់ក្រោយ រាល់ពេលដែលនាងចូលរួមលើកម្រាលព្រំក្រហម។

Yang Mi រក្សាបានប្រជាប្រិយភាពជិត២០ឆ្នាំ ក៏ជាឈ្មោះដ៏ក្តៅគគុកដែលរំពឹងថានឹងលេចមុខក្នុងកម្មវិធីកម្សាន្តនានា។ រាល់ពេលទៅដើរលើកម្រាលព្រំក្រហម គឺជាពេលដែលអ្នកនិយមលេងអ៊ីនធឺណេតមានការសរសើរពីសម្រស់ដ៏ស្រស់ស្អាតរបស់ម្តាយកូនមួយ៕

ប្រែសម្រួល៖ សាង ស្រីល័ក្ខ

ចុចអាន៖ថ្ងៃបិទមហោស្រពភាពយន្ត Cannes ហ្វាន់ ពីងពីង នៅតែជាតារាចិនមានឥទ្ធិពលលើឆាកអន្តរជាតិ

ចុចអាន៖តារា ចិន ៤ រូប ត្រូវគេចាត់ទុកថាជារាជិនីសម្រស់ លើកម្រាលព្រំក្រហម