ជីវិតកម្សាន្ដ

ចូលសិល្បៈជាង ១៥ ឆ្នាំ ជាលើកទី ១ ដែលធ្វើឲ្យ ជា វណ្ណារិទ្ធ រំភើបអួលដើមក

បានផុស

២ years មុន

នៅ

ថ្ងៃចន្ទ ២៩ ឧសភា ២០២៣

ដោយ

ឆ្លងកាត់ការធ្វើការងារជាពិធីករអស់រយៈពេលជាង ១៥ ឆ្នាំ លោក ជា វណ្ណារិទ្ធ បានបញ្ជាក់ថា នេះជាអារម្មណ៍ដែលលោកសប្បាយចិត្ត ហើយរំភើបខ្លាំងបំផុត ដែលទទួលបានការសរសើរ លើកទឹកចិត្ត កាលពីអំឡុងព្រឹត្តិការណ៍ស៊ីហ្គេម ២០២៣ កម្ពុជាធ្វើជាម្ចាស់ផ្ទះកាលពីថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់ពីអារម្មណ៍ពិត លោក ជា វណ្ណារិទ្ធ បានរៀបរាប់ទាំងក្ដុកក្ដួលថា តាំងពីលោកចាប់ផ្ដើមការងារជាពិធីករអស់រយៈពេលជាង ១៥ ឆ្នាំមកនេះ អារម្មណ៍មួយដែលលោកមិនដែលទទួលបានពីមុនមកនោះ គឺការសរសើរលើកទឹកចិត្តពីព្រឹត្តិការណ៍ស៊ីហ្គេម ២០២៣។ ការពិត លោកមានការបារម្ភខ្លាំង តែអរគុណដល់អ្នកមីងសម្ភស្ស ដែលបង្រៀន និងផ្ដល់កម្លាំងចិត្តធ្វើការដោយក្ដីស្រលាញ់ និងបេះដូង ព្យាយាមខ្លាំង តាំងចិត្តខ្លាំង រំភើបខ្លាំង។

លោក ជា វណ្ណារិទ្ធ បានបន្តថា «ខ្ញុំស្ទើរស្រក់ទឹកភ្នែក តែជាលទ្ធផល យើងទទួលបានភាពរីករាយប្រកបដោយមោទនភាពរួមជាខ្មែរសម្រាប់ Paragame ខ្ញុំអត់បានចូលរួមទេ តែខ្ញុំសូមជូនពរដល់បងប្អូនអត្តពលិកកម្ពុជាយើងទាំងអស់ ទទួលបានជោគជ័យ និងរកមេដាយជូនជាតិឲ្យបានច្រើនៗ»។

បន្ទាប់ពីឃើញការលើកឡើងរបស់លោក វណ្ណារិទ្ធ នូវខ្លឹមសារខាងលើ ភ្លាមៗ ក៏មានម្ចាស់គណនីហ្វេសប៊ុកមួយបានលើកឡើងថា «ប្អូនធ្វើបានល្អណាស់ រួមទាំងការទប់ទល់បរិយាកាសជុំវិញខ្លួនផង សំខាន់ប្អូនមានស្នាមញញឹម និងភាសាទន់ភ្លន់គ្រប់ស្ថានការណ៍ ការងារជាក្រុមប្អូនសហការបានយ៉ាងល្អ ស្មារតីក្រុមកើតឡើងយ៉ាងប្រត្យក្ស បងសូមកោតសរសើរដោយស្មោះ»។ ឆ្លើយតបការសរសើរនេះ លោក ជា វណ្ណារិទ្ធ បានថ្លែងថា «ហេតុអ្វីបានខ្ញុំអានហើយអួលដើមក អញ្ចឹងបង អរគុណបងដូចគ្នា ដោយក្តីគោរពស្រលាញ់ Chan Molika»៕

អត្ថបទ ៖ ចាន់រ៉ា