មកដឹងពីតារាល្បីលើលោកណាខ្លះប្ដេជ្ញាចិត្ត ហូបម្ហូបបួស

អ្នកហូបបួសទាំងអស់ជ្រើសរើសបន្លែ ផ្លែឈើ ឬ សាច់កែច្នៃដើម្បីធ្វើជាអាហារ ។ ខាងក្រោមគឺជា តារាល្បីទាំង ៩ ដែលប្ដេជ្ញាចិត្តហូបម្ហូបបួស៖

១. Billie Eilis

តារាចម្រៀង Billie Eilis ជាអ្នកហូបបួសតាំងពីក្មេងព្រោះនាងមានចិត្តអាណិតស្រលាញ់សត្វ និងមិនចង់ប៉ះពាល់ជីវិតពួកវាឡើយ ។

២. Woody Harrelson

តារាហូលីវូដ Woody ស្រលាញ់សត្វ និងបរិស្ថានជាខ្លាំង ទើបគាត់សម្រេចចិត្តហូបបួសជាង ៣០ ឆ្នាំមកនេះ ។

៣. Lizzo

តារាចម្រៀង Lizzo ចាប់ផ្ដើមឈប់បរិភោគសាច់សត្វក្នុងឆ្នាំ ២០២០ ហើយងាកមកស្វែងរកប្រូតេអ៊ីនពីរុក្ខជាតិវិញ ។

៤. Pamela Anderson

អ្នកស្រីក្លាយជាអ្នកហូបបួសអស់រយៈពេលជាង ៣០ ឆ្នាំ គាត់ថែមទាំងធ្លាប់ចូលរួមនិន្នាការបញ្ចុះបញ្ចូលមនុស្សឲ្យហូបបួសទៀតផង ។

៥. Alan Cummings

លោក Alan ជាអ្នកហូបបួសប្រហែល ១២ ឆ្នាំ និងឧស្សាហ៍ធ្វើការងារក្រុមជាមួយ PETA ក្រុមសិទ្ធិសត្វដើម្បីគាំទ្រការឃោសនា ។

៦. Sia Furler

តារាចម្រៀងសក់បាំងមុខ Sia ទម្លាយរឿងហូបម្ហូបបួសក្នុង twitter កាលពីឆ្នាំ ២០១៤ ពេលម្ចាស់ហាងម្ហូបបួសមួយកន្លែងអញ្ជើញនាងទៅ ។

៧. Jason Mraz

តារាចម្រៀង Jason Mraz ក្លាយជាអ្នកហូបបួសតាំងពីឆ្នាំ ២០១១ បច្ចុប្បន្នគាត់ចូលចិត្តម្ហូបបួសឆៅជាពិសេស ។

៨. Ruby Rose

Ruby ចាប់ផ្ដើមឆ្ងល់ថាហេតុអ្វីមនុស្សបរិភោគសត្វតាំងពីតូច សព្វថ្ងៃនាងជាអ្នកហូបបួសច្រើនឆ្នាំមកហើយ និងបានឈ្នះរង្វាន់ជាអ្នកហូបបួសសិចស៊ីជាងគេប្រចាំ PETA ក្នុងឆ្នាំ ២០១៧ ផងដែរ ។

៩. Benedict Cumberbatch

Benedict មិនដែរប្រាប់នរណាឬបញ្ចេញថាខ្លួនជាអ្នកហូបបួសឡើយ ប៉ុន្តែគាត់ធ្លាប់ទម្លាយព័ត៌មានតិចតួចអំពីរបបអាហារប្រចាំថ្ងៃដែលគ្មានសាច់ ។

ការហូបម្ហូបបួសអាចផ្ដល់អត្ថប្រយោជន៍ជាច្រើនដល់អ្នកបរិភោគដូចជា ស្រកទម្ងន់ កាត់បន្ថយជាតិខ្លាញ់ និងស្ករដែលបង្កជាជំងឺទូទៅផ្សេងៗទៀត យ៉ាងណាអ្នកហូបត្រូវត្រួតពិនិត្យថាមពលអាហារអោយបានគ្រប់គ្រាន់ទើបអាចទ្រទ្រង់រាងកាយបានល្អ ៕

ប្រែសម្រួល ៖ វារី

ចុចអាន ៖ តារាអន្តរជាតិ ៥ រូប ធ្លាប់ជះលុយទិញអាហារឲ្យមហាជន

ចុចអាន ៖ តារាល្បីលំដាប់ពិភពលោក ៥ ដួង មានមុខស្រដៀងមនុស្សពីបុរាណ