ជីវិតកម្សាន្ដ
បវរកញ្ញា ប៉ូគឹមថេង សុតធីតា សម្ដែងការខកចិត្តចំពោះទង្វើអ្នកគ្រប់គ្រងការងារចាស់
កាលពីថ្មីៗកន្លងទៅ កញ្ញា ប៉ូគឹមថេង សុតធីតា ជាម្ចាស់ជ័យលាភីគ្រងមកុដ Miss Grand Cambodia 2021 បានធ្វើឲ្យអ្នកគាំទ្រមានការចាប់អារម្មណ៍ និងភ្ញាក់ផ្អើលគ្រប់គ្នា ខណៈនាងបានចេញមកប្រកាសថា ពេលនេះខ្លួនមិនស្ថិតក្រោមការគ្រប់គ្រងរបស់ក្រុមហ៊ុន ឬ Agency ណាមួយទេ។

បន្ទាប់ពីការប្រកាសរបស់នាងមិនទាន់បានប៉ុន្មានទេ មុននេះស្រាប់តែស្រីស្អាត ប៉ូគឹមថេង សុតធីតា បានចេញប្រតិកម្ម និងសម្ដែងការហួសចិត្តចំពោះអ្នកគ្រប់គ្រងការងារចាស់របស់នាង (Manager) ដែលធ្វើឲ្យ client និង Agency មានការយល់ច្រឡំជុំវិញរឿងមួយចំនួនដែលនាងមិនបានធ្វើឡើងទេ។ ពាក់ព័ន្ធបញ្ហានេះដែរ ប៉ូគឹមថេង សុតធីតា បានចេញមកបកស្រាយដោយបញ្ជាក់ច្បាស់ ដើម្បីការពារកិត្តិយសរបស់ខ្លួន។

Miss Grand 2021 ប៉ូគឹមថេង សុតធីតា បានបញ្ជាក់ថា «ជម្រាបសួរ នាងខ្ញុំ សុធីតា សុំអធ្យាស្រ័យដល់បងៗ Client ទាំងអស់ ដែលធ្លាប់រួមការងារជាមួយនាងខ្ញុំពីមុនមក ដែលធ្លាប់បានធ្វើការចុះកិច្ចសន្យាហាមលុបវីដេអូដែលធ្លាប់បានថតរួចពីក្នុងផេកផ្លូវការរបស់នាងខ្ញុំ ដោយសារតែមានវីដេអូខ្លះត្រូវបានលុបចេញពីក្នុងផេកផ្លូវការរបស់នាងខ្ញុំ។ នាងខ្ញុំសុំអធ្យាស្រ័យផង ព្រោះទង្វើទាំងអស់នេះមិនមែនជាស្នាដៃរបស់នាងខ្ញុំជាអ្នកលុបនោះទេ…»។

នាងសង្កត់ធ្ងន់ថា «ទង្វើទាំងអស់នេះគឺជាស្នាដៃរបស់អ្នកគ្រប់គ្រងការងារចាស់របស់នាងខ្ញុំ(Manager)។ ពេលធ្វើកិច្ចសន្យាក៏អ្នកគ្រប់គ្រងការងារចាស់របស់ខ្ញុំជាអ្នកធ្វើជំនួសខ្ញុំ ចំពោះខ្ញុំគឺមិនបានដឹងឮចំពោះកិច្ចសន្យានោះទេ ខ្ញុំដឹងតែម្យ៉ាង គឺទៅថត និងធ្វើការកាត់ភាគរយជូនគាត់ ដូចនេះហើយ ខ្ញុំសង្ឃឹមថា បងៗ នឹងមិនវាយតម្លៃការងាររបស់នាងខ្ញុំថា គ្មានវិជ្ជាជីវៈ (ល) ព្រោះនាងខ្ញុំក៏ជាជនរងគ្រោះម្នាក់ដែរ»។

បន្ថែមពីនេះ សុតធីតា បានលើកឡើងថា «សង្ឃឹមថាបងៗដែលជាclient និង Agency ដែលធ្លាប់រួមការងារជាមួយនាងខ្ញុំពីមុនមក នឹងយោគយល់អធ្យាស្រ័យដល់រូបនាងខ្ញុំ សូមអរគុណ។ បញ្ជាក់ ចំពោះការងាររបស់នាងខ្ញុំ គឺមិនស្ថិតក្រោមការគ្រប់គ្រងរបស់អ្នកណាទៀតនោះទេ គឺនាងខ្ញុំFreelance( កុំបំផ្លាញអ្នកដទៃដើម្បីផលប្រយោជន៍ផ្ទាល់ខ្លួន ចូរសាងអំពើល្អឲ្យបានច្រើន ថ្ងៃណាមួយអំពើល្អ នឹងតបស្នងមករកអ្នកវិញ»។

គេកត់សម្គាល់ឃើញថា Miss Grand Cambodia 2021 រូបនេះ បន្ទាប់ពីសាងកេរ្តិ៍ឈ្មោះល្បីក្នុងវិស័យបវរកញ្ញា ស្រីស្អាត ប៉ូគឹមថេង សុតធីតា គឺមានឱកាសច្រើនដោយលេចវត្តមាននៅតាមបណ្ដាកម្មវិធីតូច-ធំ នានាបន្តបន្ទាប់ ខណៈរូបសម្រស់របស់នាងនៅតែស្រស់ស្អាតសម្រាប់អ្នកគាំទ្រ៕
អត្ថបទ ៖ ចាន់រ៉ា



-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?