ជីវិតកម្សាន្ដ

ជី ដេវីត ថា ក្ដីស្រមៃកាលពី ១២ ឆ្នាំមុន ត្រូវបានសម្រេចជាច្រើនក្នុងឆ្នាំនេះ

បានផុស

១ year មុន

នៅ

ថ្ងៃអង្គារ ៣០ ឧសភា ២០២៣

ដោយ

តារាចម្រៀងរ៉េបលោក ងួន ចាន់ដេវីត ហៅ G-Devith គេសង្កេតឃើញថា សម្រាប់ទីផ្សារសិល្បៈរបស់លោកបច្ចុប្បន្ននៅតែមានសន្ទុះទីផ្សារគាំទ្រច្រើន មិនចាញ់តារារួមជំនាន់ឯទៀតឡើយ។ ម្យ៉ាងទៀត លោកបានបញ្ចេញស្នាដៃបទចម្រៀងថ្មីៗជាបន្តបន្ទាប់ ដើម្បីប្រជែងទីផ្សារសិល្បៈបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលអាជីពសិល្បៈបានបោះជំហានទៅមុខដោយភាពរលូនគួរជាទីមោទនៈនេះដែរ តារាចម្រៀងខ្ពស់ស្រលះ លោក ជី ដេវីត បានទម្លាយឲ្យដឹងថា សម្រាប់ក្តីស្រមៃរបស់លោក កាលពី ១២ ឆ្នាំមុន ត្រូវបានសម្រេចជាច្រើននៅក្នុងឆ្នាំនេះ។ ខណៈថ្មីៗនេះ លោកក៏បានបង្ហាញក្ដីរំភើបក្នុងថ្ងៃប្អូនស្រីបញ្ចប់ថ្នាក់បរិញ្ញាបត្រនៅមហាវិទ្យាល័យបុរាណវិទ្យា ឯកទេសបុរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ។

បង្ហាញអារម្មណ៍រំភើបអបអរដល់ប្អូនស្រីភ្ជាប់នឹងភាពជោគជ័យរបស់ខ្លួន លោក ងួន ចាន់ដេវីដ បានលើកឡើងថា «ក្នុងថ្ងៃប្អូនស្រីរបស់ខ្ញុំបានទទួលសញ្ញាបត្របញ្ចប់ថ្នាក់បរិញ្ញាបត្រនៅមហាវិទ្យាល័យបុរាណវិទ្យាឯកទេសបុរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ។ ក្ដីស្រមៃរបស់ខ្ញុំកាលពី១២ ឆ្នាំមុន ត្រូវបានសម្រេចជាច្រើននៅក្នុងឆ្នាំនេះ»។

តារាចម្រៀងរ៉េបស្ថិតក្នុងស្រទាប់យុវវ័យលោក ជី ដេវីត បាននិយាយបន្ថែមទៀតថា លោកត្រូវកំណត់គោលដៅថ្មីទៀតសម្រាប់ជំនាន់ក្រោយ។ លោកថា ក្នុងនាមលោកជាបងប្រុស ជាឪពុក ជាម្ដាយផង «I’m so Proud of you My Dariya»។ តាមរយៈការបង្ហាញនេះបានធ្វើឲ្យអ្នកគាំទ្រលោកមួយចំនួនអបអរជាមួយការបង្ហាញក្តីរំភើបជូនលោក៕

អត្ថបទ ៖ ចាន់រ៉ា