Chompoo-Nut ទម្លាយហេតុផលកម្របង្ហោះរូបគូជាមួយគ្នា តែស្នេហានៅតែផ្អែមលើសស្ករ

ស្នេហារបស់តារាជួរមុខ Chompoo Araya ជាមួយអ្នកជំនួញហៃសូ Nott Visrut រហូតមកទល់ពេលនេះមហាជនដឹងថាពួកគេមានកូនប្រុសស្រី ៣ នាក់​ ហើយក៏ជាគ្រួសារ​សិល្បៈ​ដែលមនុស្សជាច្រើន​ចាប់អារម្មណ៍ និង​តែងតែ​មាននិន្នាការ​ក្នុង​បណ្តាញ​សារព័ត៌មានជានិច្ច។

ក្នុងពេលដែល​ជីវិត​អាពាហ៍ពិពាហ៍របស់ Chompoo-Nott សាងគ្រួសារជាមួយគ្នាជាង ៨ឆ្នាំ ស្នេហា​គូនេះ​មាន​ស្ថេរភាព និង​រឹងមាំ​ខ្លាំង​​ ត្បិតថា​ពេល​ខ្លះលេច​ឮពាក្យ​ចចាមអារ៉ាម​ជនទី៣ ​ប៉ុន្តែខាងភាគីសេ​ដ្ធី Nott បាន​ចេញ​មក​បកស្រាយ​ច្បាស់ៗថា​លោក​ស្រលាញ់​តែ​ភរិយា។ លើស​ពី​នេះ​សូម្បី​តែ​គ្មាន​រូប​គូ​បង្ហោះ​លើ​បណ្ដាញ​សង្គម​ក្ដី តែ​ពួកគេ​នៅតែ​ផ្អែមល្ហែម​លើស​ជាតិ​ស្ករ​ទៅ​ទៀត។

យ៉ាងណាមិញ​ចំពោះ​មូលហេតុដែលពួកគេមិនសូវបង្ហោះរូបភាពជាមួយគ្នា ចម្លើយ​គឺ Nott ជា​មនុស្ស​ដែលមិន​ចូលចិត្ត​ការ​បង្ហោះ​ញឹកញាប់​លើ​បណ្ដាញ​អ៊ីនធឺណិត។ ជាពិសេស​ប្រសិនបើលោក​បង្ហោះរូបគឺត្រូវជ្រើសរើស​រូបភាព គិត​ពី​ចំណង​ជើង​ច្រើនថ្ងៃ​​ក្នុង​ប្រកាស​នីមួយៗ។ ពេល​ខ្លះ​មុន​នឹង​បង្ហោះ​រូប លោក​ត្រូវសុំ​យោបល់​ពី​​ Chompoo ថែមទៀតផង។

ដោយឡែកសម្រាប់តារាសម្ដែង Chompoo បង្ហើប​ថា ​ នាងកម្រ​បង្ហោះ​រូប​ប្តី​ណាស់! ព្រោះខ្លាចភាគីម្ខាងទៀត​មិនពេញ​ចិត្ត ខ្លាច​មុខប្ដីមិនសង្ហាហើយស្អាតតែឯង។ ដូច្នោះទើបពួកគេជ្រើសយកមិនបង្ហោះរូបគូជាមួយគ្នា តែនៅតែស្រលាញ់គ្នាផ្អែមល្ហែមរាល់ថ្ងៃក្រៅបណ្ដាញសង្គម៕

ប្រែសម្រួល៖ សាង ស្រីល័ក្ខ

ចុចអាន៖Prang អបអរដល់អតីតមិត្តប្រុស ក្រោយប្រកាសទំនាក់ទំនងស្នេហាជាមួយ Ploy ពេញសិទ្ធ