ជីវិតកម្សាន្ដ
ប៉ូលិសថៃចាប់ឃុំខ្លួនយុវតីម្នាក់ ពាក់ព័ន្ធការឆបោកលក់សំបុត្រប្រគំតន្ត្រីរបស់ Blackpink
ប៉ូលិសថៃបានចាប់ខ្លួននារីវ័យក្មេងម្នាក់ដោយចោទប្រកាន់ពីបទបោកប្រាស់និងក្លែងបន្លំលក់សំបុត្រចូលរួមទស្សនាការប្រគំតន្ត្រីរបស់ Blackpink ពីអ្នកគាំទ្រយ៉ាងហោចណាស់ ៧០០,០០០ បាត (ប្រហែល ២០.១១៤ ដុល្លារ ) ដែលបានលក់រួច ។
![](https://www.kampucheathmey.com/wp-content/uploads/2023/06/image-15-1024x689.png)
នាង Nattarika ត្រូវបានចាប់ខ្លួននៅអាផាតមិនមួយក្នុងតំបន់ Jorakhae Bua នៃខណ្ឌ Lat Phrao ដោយលោក ឧត្តមសេនីយ៍ទោ Theeradet Thammasuthee ជាមេបញ្ជាការនៃការិយាល័យស៊ើបអង្កេត Metropolitan Police (MPB) កាលពីថ្ងៃពុធ។ ប៉ូលិសបាននិយាយថា មានពាក្យបណ្តឹងចំនួន ១០ ត្រូវបានប្តឹងប្រឆាំងនឹងជនសង្ស័យពាក់ព័ន្ធនឹងការលក់សំបុត្រសម្រាប់ការប្រគុំតន្ត្រី Blackpink ដែលបានធ្វើឡើងនៅពហុកីឡដ្ឋានជាតិ Rajamangala កាលពីថ្ងៃសៅរ៍ និងថ្ងៃអាទិត្យ ។
![](https://www.kampucheathmey.com/wp-content/uploads/2023/06/image-16.png)
ក្នុងពេលសាកសួរ ជនសង្ស័យបានឆ្លើយសារភាពថា ខ្លួនពិតជាបានឆបោកតាមអ៊ីនធឺណិតមែន នាងបានប្រាប់មន្ត្រីប៉ូលិសថា នាងបានរកប្រាក់តាមរយៈការលក់សំបុត្រប្រគំតន្ត្រីឡើងវិញរបស់ Blackpink ។ កញ្ញា Nattharika បានប្រាប់អ្នកស៊ើបអង្កេតទៀតថា នាងបានសុំឱ្យមិត្តភ័ក្តិ និងប្អូនស្រីរបស់នាងទិញសំបុត្រការប្រគុំតន្ត្រី Blackpink តាមអ៊ីនធឺណិតហើយបន្ទាប់មកលក់សំបុត្រអេឡិចត្រូនិចនោះទៅអ្នកគាំទ្រវិញ។
![](https://www.kampucheathmey.com/wp-content/uploads/2023/06/image-17-1024x576.png)
ពួកគេបានទិញសំបុត្រចំនួន ២០០ សន្លឹកក្នុងតម្លៃ ៩ ៦០០ បាត (ប្រហែល ២៧៧ ដុល្លារ )ក្នុងមួយសន្លឹក យកលក់បន្តក្នុងតម្លៃចន្លោះពី ១៥.០០០ បាត(ប្រហែល ៤៣២ ដុល្លារ )ទៅ ៣០.០០០ បាត (ប្រហែល ៨៦៥ ដុល្លារ ) ដោយសំបុត្រទាំង ២០០ សន្លឹកបានលក់អស់ហើយ ទទួលបានប្រាក់ចំណេញយ៉ាងច្រើន។ ប៉ុន្តែតម្រូវការមានអ្នកទិញច្រើនរហូតដល់នាងសម្រេចចិត្តផ្ដល់សំបុត្រអេឡិចត្រូនិកដដែលម្ដងទៀត ទោះបីជាសំបុត្រទាំងនោះត្រូវបានលក់បន្តក៏ដោយ។
![](https://www.kampucheathmey.com/wp-content/uploads/2023/06/image-18.png)
រហូតដល់ពេលដែលអ្នកគាំទ្របានមកចូលរួមការប្រគុំតន្ត្រីនោះ បញ្ហាមួយបានកើតឡើង ដោយសារតែសំបុត្រនីមួយៗមានម្ចាស់ច្រើនជាងមួយ។ ទើបអ្នកគាំទ្រ Blackpink មានការខកចិត្តជាច្រើននិង បានបណ្តឹងប៉ូលិសចំពោះករណីនេះ ហើយនៅពេលបច្ចុប្បន្នជនសង្ស័យត្រូវបានសមត្ថកិច្ចឃុំខ្លួននៅអធិការដ្ឋាននគរបាលដើម្បីចាត់ការបន្តតាមផ្លូវច្បាប់ ៕
ប្រែសម្រួល៖នាងតូច
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត