បង្ហាញខ្លួនក្នុងវ័យ ៦០ឆ្នាំ អតីតតួ លី លានជា ត្រូវទស្សនិកជនប្រដូចទៅនឹងលោកតាអាយុ ៨០

ក្នុងឆ្នាំ២០២៣នេះ តារាសម្ដែងជើងចាស់ Jet Li ឬតួ លី លានជា ឈានដល់វ័យ ៦០ឆ្នាំហើយ ប៉ុន្តែក្រោយបង្ហាញខ្លួនជាសាធារណនាពេលថ្មីៗនេះ អ្នកនិយមលេងអ៊ីនធឺរណិតលាន់មាត់គ្រប់គ្នាថា លោកមើលទៅមិនខុសពីលោកតាអាយុ ៨០ឆ្នាំនោះទេ។

តាមពិតរូបរាងចាស់ជាងវ័យរបស់តារាប្រុសឆ្នើមប្រចាំប្រទេសចិនរូបនេះ ត្រូវបានគេដឹងថា ដោយសារលោកមានបញ្ហាសុខភាព ដោយកន្លងមក លី លានជា ធ្លាប់កើតជំងឺក្រពេញទីរ៉ូអ៊ីត ដែលវាបានធ្វើឱ្យរូបរាងរបស់លោកចាស់ជាងមុនទ្វេដង ខណៈបច្ចុប្បន្នស្ថានភាពសុខភាពទើបតែធូរស្រាលប៉ុណ្ណោះ។

ជាក់ស្ដែងថ្មីៗនេះបន្ទាប់ពីបង្ហាញខ្លួននៅក្នុងវីដេអូសផ្សព្វផ្សាយម៉ាកយីហោមួយ អ្នកនិយមលេងអ៊ីនធឺរណេតសង្កេតឃើញថា រូបរាងរបស់ លី លានជា ពិតជាស្គមស្គាំងខ្លាំង ថ្ពាល់ផត ​ផ្ទៃមុខពេញដោយ​ស្នាម​ជ្រួញ រីឯភ្នែកហាក់ខូងជ្រៅទៀតផង ប្រៀបដូចតាចាស់អ៊ីចឹង។

ថ្វីត្បិតផ្លាស់ប្ដូររូបរាងបែបណាក៏ដោយ ប៉ុន្តែប្រិយមិត្តនៅតែគាំទ្រតារាប្រុសរូបនេះ ទោះលោកចាស់ជាងវ័យ ឬឈប់ពីសិល្បៈក្ដី គ្រប់គ្នានៅតែបារម្ភពីសុខភាព និងជូនពរអាយដលរបស់ខ្លួនឱ្យមានសុខភាពល្អផងដែរ៕

ប្រែសម្រួល៖ សន្យា

ចុចអាន៖ គ្រាន់តែសក់ ត តួអង្គរឿង “ទេពមច្ឆាតូច” ចំណាយជាង ១០ ម៉ឺនដុល្លារ

ចុចអាន៖ ទោះមិននៅជុំគ្នា តែ BTS នឹងចេញចម្រៀងថ្មីរួមគ្នា ដើម្បីអបអរខួប ១០ឆ្នាំរបស់ខ្លួន