ជីវិតកម្សាន្ដ

Dilraba រងការរិះគន់ថា ស្លៀកពាក់មិនសមក្នុងព្រឹត្តិការណ៍

បានផុស

២ years មុន

នៅ

ថ្ងៃសុក្រ ២ មិថុនា ២០២៣

ដោយ

យោងតាម Sohu ការបង្ហាញខ្លួនដ៏សិចស៊ីរបស់ Dilraba dilmurat នៅលើកម្រាលព្រំក្រហម Bazaar Icons 2023 បានបង្កើតនូវភាពចម្រូងចម្រាសនៅលើបណ្តាញសង្គម ខណៈនាងយកដៃបិទទ្រូងបង្ហាញភាពអៀនខ្មាស់ពេលដើរកាត់កាមេរ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងព្រឹត្តិការណ៍នោះ តារាកើតឆ្នាំ ១៩៩២ ពាក់រ៉ូបពណ៌ទឹកប៊ិចដើមទ្រូងចំហនិងហ៊ុំព័ទ្ធដោយអង្កាំផ្កាភ្លើងជាច្រើន។ ថ្វីត្បិតតែត្រូវបានគេប្រដូចទៅនឹងនាងមច្ឆាក៏ដោយ ប៉ុន្តែនាងបែរជាមានអារម្មណ៍មិនស្រួលខ្លាំង ដោយប្រើដៃបិទបាំងដើមទ្រូង ដើម្បីកុំឲ្យលេចឃើញខ្លាំងនៅមុខកាមេរ៉ា។

មហាជនជាច្រើនក៏បានរិះគន់ថា បើ Dilraba ខ្មាស នាងមិនគួរស្លៀកឈុតបែបនេះទេ នាងគួរតែស្លៀកឈុតដែលសមនឹងនាង ឬអាចជ្រើសស្ទីលណាល្អជាង។ ការដើរ និងចលនារបស់នាងបិទទ្រូង ត្រូវបានគេគិតថាមិនមានសេរីភាព និងទំនុកចិត្ត។ លើសពីនេះ សំលៀកបំពាក់របស់នាងក៏មានស្នាមជ្រីវជ្រួញខ្លះ វាជាគំរូនៅក្នុងទិដ្ឋភាពដែលមើលឃើញច្បាស់តែម្ដង។

ទោះយ៉ាងណា នេះពេលវេលាដ៏កម្រមួយដែល Dilraba dilmurat បានធ្វើឲ្យអ្នកគាំទ្រខកចិត្តជាមួយនឹងវត្តមាននៅលើកម្រាលព្រំក្រហមរបស់នាង។ បន្ទាប់ពីការស្លៀកពាក់បង្ហាញខ្លួននៅ Weibo 2023 ជាមួយនឹងរ៉ូបពណ៌ផ្កាឈូក សម្រស់របស់នាងត្រូវបានប្រៀបធៀបទៅនឹងរាជិនីកម្រាលព្រំក្រហម ហ្វាន់ ពីងពីង សូម្បីតែអ្នកគាំទ្រគិតថានាងនឹងក្លាយជាអ្នកស្នងតំណែងរបស់ ហ្វាន់ ពីងពីង ជាមួយនឹងភាពថ្លៃថ្នូររចនាប័ទ្មម៉ូដថែមទៀត៕