ជីវិតកម្សាន្ដ

Song Hye Kyo ឱបបុរសម្នាក់នៅកណ្ដាលផ្លូវ អ្នកគាំទ្រសង្ស័យថាជាគូស្នេហ៍ថ្មី

បានផុស

២ years មុន

នៅ

ថ្ងៃចន្ទ ៥ មិថុនា ២០២៣

ដោយ

តារាសម្ដែង Song Hye Kyo បង្ហោះរូបថតជាច្រើនសន្លឹកដែលថតជាមួយមិត្តភក្តិជិតស្និទ្ធនៅបណ្ដាញសង្គម Instagram ផ្ទាល់ខ្លួនក្នុងព្រឹត្តិការណ៍មួយធ្វើឡើងនៅទីក្រុងប៉ារីស ប្រទេសបារាំង។ ជាពិសេសនៅក្នុងរូបថតជាច្រើនសន្លឹកដែលបង្ហោះនោះ នាងស្រាប់តែធ្វើសកម្មភាពស្និទ្ធស្នាលជាមួយបុរសចម្លែកម្នាក់។

ជាពិសេស នៅក្នុងរូបភាពសខ្មៅ ដែលបង្ហោះនោះតារាស្រីរូបនេះបានឱបដៃរបស់បុរសនោះយ៉ាងស្និទ្ធស្នាល។ បុរសចម្លែកដែលលេចមុខក្នុងរូបថតនោះ ក៏មើលទៅតាមកាមេរ៉ាយ៉ាងធម្មជាតិ ហើយញញឹមយ៉ាងកក់ក្តៅ។ ក្រឡេកមកមើលស្នាមញញឹមរបស់ Song Hye Kyo ទស្សនិកជនក៏បានទស្សន៍ទាយពីសុភមង្គល និងការលួងលោមចិត្តរបស់នាងនៅពេលបាននៅជាមួយបុរសចម្លែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេដឹងថាបុរសដែលលេចមុខក្នុងរូបថតស៊េរីរបស់ Song Hye Kyo មានឈ្មោះថា Hong Jang Hyun ដែលជាអ្នកថតរូបដ៏ល្បីនៅប្រទេសកូរ៉េ។ ការពិតគួរឲ្យភ្ញាក់ផ្អើលជាងនេះទៅទៀតនោះគឺថា គាត់ក៏ត្រូវបានគូស្នេហ៍ Song Hye Kyo និង Song Joong Ki អញ្ជើញឲ្យថតរូបអាពាហ៍ពិពាហ៍កាលនៅសហរដ្ឋអាមេរិកផងដែរ។

បច្ចុប្បន្ន អ្នកថតរូបប្រុសរូបនេះនៅតែរក្សាទំនាក់ទំនងស្និទ្ធស្នាលជាមួយមិត្តភ័ក្ដិ Song Hye Kyo។ ជារឿយៗគាត់លេចឡើងនៅក្នុងរូបភាពដែលតួឯកស្រីរឿង “Descendants of the Sun” ចែករំលែកនៅលើបណ្តាញសង្គម។ អ្នកទាំងពីរស្និទ្ធស្នាលនឹងគ្នាជាច្រើនដង ដែលលោកបានជាប់ពាក់ព័ន្ធនឹងពាក្យចចាមអារ៉ាមថាមានស្នេហាជាមួយនាង។ ទោះបីជាយ៉ាងណាក៏ដោយ នៅចំពោះមុខពាក្យចចាមអារ៉ាម នាងបានសារភាពដោយត្រង់ថា Jang Hyun បច្ចុប្បន្នគឺជាមិត្តជិតស្និទ្ធបំផុតរបស់នាងប៉ុណ្ណោះ។

អ្នកនិយមលេងអ៊ីនធឺណែត ជាពិសេសអ្នកដែលស្រលាញ់ Song Hye Kyo ក៏បានសម្តែងនូវក្តីប្រាថ្នាថា នាងនឹងជួបសុភមង្គលថ្មីក្នុងពេលឆាប់ៗនេះ បន្ទាប់ពីបែកបាក់ក្នុងអាពាហ៍ពិពាហ៍របស់នាងជាមួយ Song Joong Ki ។ យ៉ាងណាមិញ ហាក់បីដូចជាតារាកូរ៉េរូបនេះមិនសូវចាប់អារម្មណ៍លើរឿងស្នេហានោះទេ ផ្ទុយទៅវិញនាងផ្តោតខ្លាំងលើការងារ ក៏ដូចជាសកម្មភាពជួបជុំ និងដើរលេងកម្សាន្តជាមួយមិត្តភក្តិ៕