ជីវិតកម្សាន្ដ

អ្នកគាំទ្រភ្ញាក់ផ្អើល ក្រោយឃើញគូស្នេហ៍ Shim hyung tak មុខដូច Jungkook បេះដាក់

បានផុស

២ years មុន

នៅ

ថ្ងៃចន្ទ ៥ មិថុនា ២០២៣

ដោយ

តារាសម្ដែង shim hyung tak និងគូស្នេហ៍បង្ហាញខ្លួនជាមួយគ្នាក្នុងកម្មវិធី Romantics Of Chosun គាត់បាននិយាយថាឈ្មោះរបស់នាងគឺ Hirai Saya មកពីជប៉ុន។ អ្វីគួរឲ្យកត់សម្គាល់ នៅពេលដែលនាងបង្ហាញខ្លួនក្នុងកម្មវិធីភ្លាម នាងស្រាប់តែល្បីពេញអ៊ីនធឺណិតដោយសារតែរូបរាងស្រដៀងទៅនឹង Jungkook សមាជិកក្រុម BTS ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរូបភាពដែលថតបានពីកម្មវិធី គេអាចមើលឃើញថា គូស្នេហ៍របស់តារាសម្ដែងប្រុស Shim Hyung Tak មានរូបរាងគួរឲ្យស្រលាញ់។ ជាពិសេស នាងភ្នែកមូលធំនិងមុខតូច ដែលធ្វើឲ្យមនុស្សជាច្រើននឹកដល់ Jungkook ពេលបង្ហាញខ្លួនលើកដំបូង។ សូម្បីតែអ្នកនិយមលេងអ៊ីនធឺណេតកូរ៉េជាច្រើនបានលាន់មាត់ដោយការភ្ញាក់ផ្អើលថា “Wow ពួកគេមើលទៅដូចជាកូនភ្លោះ” “ហេតុអ្វីបានជាពួកគេស្រដៀងគ្នាដូច្នេះ” “ទោះបីជាខ្ញុំនិយាយថាពួកគេជាបងប្អូនបង្កើតខ្ញុំនៅតែជឿជាក់” “ខ្ញុំជាអ្នកគាំទ្រ BTS ហើយពួកគេពិតជា មើលទៅដូចគ្នា” “Jungkook ពាក់សក់ឬ?”

ដោយឡែកកាលពីថ្ងៃទី០៤ ខែមេសា យោងតាមការរាយការណ៍ថា Shim Hyung Tak នឹងរៀបការជាមួយនារីជប៉ុនដែលមានអាយុតិចជាងគាត់ ១៨ ឆ្នាំនៅខែកក្កដាឆ្នាំនេះ។ តារាសម្តែងរូបនេះបានផ្តល់ការសរសើរជាច្រើនដល់គូដណ្តឹងរបស់គាត់ថា “នាងគឺជាមនុស្សដែលមិនចេះកុហកហើយស្រស់ស្អាតខ្លាំងណាស់” ។ លើសពីនេះ Shim Hyung Tak ក៏បានចែករំលែកឧបសគ្គភាសានៅពេលទំនាក់ទំនងជាមួយមិត្តស្រីរបស់គាត់ផងដែរ។ ដូច្នេះហើយគាត់ និង Hirai Saya ជារឿយៗត្រូវប្រើកម្មវិធីបំប្លែងភាសា ដើម្បីដោះស្រាយការលំបាក នៅពេលពួកគេទាំងពីរទំនាក់ទំនងក្នុងជីវិតប្រចាំថ្ងៃ៕