Lisa ស្លៀកឈុតប្រពៃណីទៅធ្វើបុណ្យនៅវត្តអយុធ្យា កំពុងផ្ទុះខ្លាំងលើអ៊ីនធឺណិត

ក្រោយ​ប្រគំ​តន្ត្រី​នៅ​ប្រទេស​ថៃចប់សព្វគ្រប់ ​Lisa សមាជិកក្រុម BLACKPINK បានចំណាយពេលវេលាជាមួយក្រុមគ្រួសារ និងមិត្តភក្តិរបស់នាងយ៉ាងពេញទំហឹងទាំងការហូបចុកនិងធ្វើដំណើរកម្សាន្ត ព្រមទាំងស្លៀកពាក់ឈុតប្រពៃណីទៅវត្តមួយនៅ Ayutthaya ។

ត្បិតថា Lisa បានវិលទៅ​វិញ ប៉ុន្តែ​នៅលើបណ្ដាញសង្គម​ផ្ទាល់ខ្លួន​របស់​នាង​បាន​បង្ហោះ​រូបភាព​ខេត្ត Phra Nakhon Si Ayutthaya ដែលភ្ជាប់មកជាមួយ caption ខ្លីមួយសរសេរថា “Ayutthaya” ខណៈនាងស្លៀក​ឈុត​ប្រពៃណីថៃ អាវស ​សារុង​ពណ៌​ខៀវ ធ្វើបុណ្យរួមជាមួយក្រុមមិត្តភ័ក្ដិ ព្រមទាំងឆ្លៀតដើរលេងថតរូបស្អាតៗក្នុងទឹកដី​កំណើតផងដែរ។

តាមរយៈរូបភាពច្រើនសន្លឹកដែលសមាជិកក្រុម BLACKPINK បង្ហោះ បានធ្វើឲ្យ​អ្នកគាំទ្រមានការភ្ញាក់ផ្អើលពាសពេញពិភពលោក ដោយសម្រុកចូល​ទៅ like និងលាន់មាត់សរសើរសម្រស់នាងថាស្រស់ស្អាតគ្រប់ឈុត ជាពិសេសនៅពេលស្លៀកសំលៀកបំពាកបុរាណបែបនេះ។

ទន្ទឹនោះគ្នានោះដែរ អ្នកគាំទ្រថៃជាច្រើនក៏មានជំនឿថា បន្ទាប់ពីរូបថត Lisa បង្ហាញលើគណនីផ្ទាល់ខ្លួន មិនយូរទេប្រហែលជាមានអ្នកទេសចរមកពីជុំវិញពិភពលោកដែលធ្វើដំណើរទៅប្រទេសថៃ ប្រាកដជាសម្រុកទៅលេងអយុធ្យាដូច Lisa ជាក់ជាមិនខាន៕

ប្រែសម្រួល៖ សាង ស្រីល័ក្ខ

ចុចអាន៖Lisa នៅតែជើងខ្លាំងលេខ ១ ជាឈ្មោះមានគេស្វែងរកច្រើនលើ Google