បញ្ចាំងភាគដំបូង ខ្សែភាពយន្តរបស់ Jennie ទទួលមតិមិនពេញចិត្តលើឈុតអាសអាភាស

ខ្សែភាពយន្ត “The Idol” របស់ទូរទស្សន៍ HBO ដែលតារាចម្រៀង Jennie ចូលរួមសម្ដែង មិនទទួលបានការគាំទ្រប៉ុន្មានឡើយ ក្រោយចេញផ្សាយភាគទី១ជាផ្លូវការ កាលពីម្សិលមិញនេះ។ ទស្សនិកជាច្រើនបានធ្វើការរិះគន់ទៅលើឈុតរាំរែកស្រើបស្រាលរបស់ Jennie និងឈុតអាសអាភាសមួយចំនួនទៀត។

មតិរិះគន់បានលើកឡើងថា តួ Dyanne ដែល Jennie សម្ដែង បានបង្ហាញកាយវិការសិចស៊ីជ្រុល ជាពិសេសវាជាឈុតដែលមិនសក្តិសមនឹងក្មេងស្រីទាល់សោះ។ ទាំងចរិតលក្ខណៈ ទាំងកាយវិការរបស់ តួ Dyanne ត្រូវទស្សនិកជនបង្ហាញការមិនពេញចិត្តទាំងអស់។

យ៉ាងណាមិញ អ្នកនិយមលេងអ៊ីនធឺរណេតមួយចំនួននៅតែមានគំនិតវិជ្ជមានចំពោះ Jennie ហើយពួកគេបានចេញមុខការពារនាង ដោយលើកហេតុផលគួរឱ្យគ្រប់គ្នាគិតពិចារណា។ ពួកគេនិយាយថា ឈុតរាំរែកដែលមនុស្សមួយចំនួនរិះគន់អំពីភាពស្រើបស្រាល ហាក់ដូចជាមិនសមទំនង ព្រោះបើប្រៀបធៀបទៅនឹងការរាំនៅកូរ៉េ ឈុតនេះនៅស្រាលនោះទេ។  ចំណែករឿងដែលថា ឈុតផ្សេង Jennie បានបង្ហាញរូបភាពអាសអាភាស មិនគួរយកតម្រាប់តាម នោះរឹតតែមិនគួរលើកមកនិយាយ ព្រោះថា វាគ្រាន់តែជាសាច់រឿងប៉ុណ្ណោះ។

ជាមួយគ្នាដែរ BLINKs បានបង្ហាញការគាំទ្រ Jennie យ៉ាងអស់ពីចិត្ត ដោយពួកគេបានបន្តលើកទឹកចិត្តនាងកុំឱ្យចុះចាញ់ និងសង្ឃឹមថា ពួកគេអាចឃើញឈុតឆាកល្អមើលជាច្រើនទៀតពីអាយដលរបស់ខ្លួន.

សូមទស្សនាឈុតខ្លីខាងក្រោម!

ប្រែសម្រួល៖ សន្យា

ចុចអាន៖ Jungkook ប្រកាសចេញអាល់ប៊ុមទោល នៅពាក់កណ្ដាលខែក្រោយ

ចុចអាន៖ Lisa នៅតែជើងខ្លាំងលេខ ១ ជាឈ្មោះមានគេស្វែងរកច្រើនលើ Google