ជីវិតកម្សាន្ដ

លេចដំណឹងថា លី អ៊ីវ៉ាធីណា ចេញពីផលិតកម្មថោន

បានផុស

២ years មុន

នៅ

ថ្ងៃពុធ ៧ មិថុនា ២០២៣

ដោយ

អ្នកគាំទ្រមានការភ្ញាក់ផ្អើលបន្ទាប់ពីបាត់មុខមួយរយៈ ស្រាប់តែតារាចម្រៀងកូនកាត់ចិន លី អ៊ីវ៉ាធីណា លេចដំណឹងថា ចាកចេញពីផលិតកម្មថោនហើយ ខណៈបច្ចុប្បន្ននាងក្លាយជាតារាចម្រៀងឯករាជ្យមិនជាប់កុងត្រាផលិតណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតតារាចម្រៀងស្រីចេះពីរភាសាខ្មែរ-ចិន អ្នកនាង លី អ៊ីវ៉ាធីណា មួយរយៈចុងក្រោយនេះ ហាក់បាត់មុខពីសិល្បៈយូរ បន្ទាប់ពីនាងសាងកេរ្តិ៍ឈ្មោះលើវិថីចម្រៀងច្រើនឆ្នាំមកនោះ។ យ៉ាងណាមិញជារឿយៗ គេក៏ឃើញកញ្ញា លី អ៊ីវ៉ាធីណា បានសម្ដែងការនឹករលឹកដល់អ្នកគាំទ្រផងដែរ។

ដោយឡែកស្រាប់តែថ្មីៗនេះមានព័ត៌មានថា លី អ៊ីវ៉ាធីណា បានសម្រេចចិត្តដើរចេញពីផលិតកម្មថោនដែលធ្លាប់សាងកេរ្តិ៍ឈ្មោះប្រមាណជិត ១០ ឆ្នាំ មកហើយនោះ។ ប៉ុន្តែមិនទាន់មានការបញ្ជាក់ទេថា បញ្ចប់កុងត្រា ឬបញ្ហាអ្វីទេ។ ជុំវិញព័ត៌មាននេះដែរ កម្ពុជាថ្មី មិនអាចទាក់ទងដើម្បីសូមការសួរនាំពីកញ្ញា លី អ៊ីវ៉ាធីណា បានទេ កាលពីរសៀលថ្ងៃទី ០៦ ខែមិថុនានេះ។

ដោយឡែកបើតាមការសម្ភាសន៍ជាមួយសារព័ត៌មានក្នុងស្រុក តារាចម្រៀង លី អ៊ីវ៉ាធីណា បានបញ្ជាក់ថា នាងពិតជាបានចាកចេញពីផលិតកម្មថោនហើយ ប៉ុន្តែអាជីពសិល្បៈមិនបានបញ្ឈប់ទេ បើទោះបីរវល់អាជីព មុខជំនួញរកស៊ីផ្ទាល់ខ្លួន។ លី អ៊ីវ៉ាធីណា និយាយបន្ថែមថា ពេលនេះនាងបានក្លាយជាតារាចម្រៀងឯករាជ្យ និងផលិតបទចម្រៀងថ្មីៗ ព្រមទាំងយកបទចាស់មកច្រៀងឡើងវិញបង្ហោះនៅលើឆាណែលយូធូបផ្ទាល់ខ្លួន៕

អត្ថបទ ៖ ចាន់រ៉ា