ជីវិតកម្សាន្ដ

Mai Davika ប្រតិកម្មតបវិញ ក្រោយត្រូវអ្នកលេង អ៊ីនធឺណិតជេរប្រមាថលើរាងកាយរបស់នាង

បានផុស

២ years មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

ជារឿយៗ រូបរាងរបស់តារាសម្ដែង Mai Davika តែងតែរងការរិះគន់ពីសំណាក់អ្នកនិយមលេងអ៊ីនធឺណិត ដែលមានចេតនាល្អ ការព្រួយបារម្ភ ប៉ុន្តែទន្ទឹមគ្នានេះក៏មានមនុស្សមើលងាយ និងឈានដល់ប្រមាថនាងថាស្លេកស្លាំង គ្មានកម្លាំងកំហែង គ្មានអីហូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ដោយសារតែមានការរិះគន់មិនឈប់ឈរពីសំណាក់អ្នកលេងអ៉ិនធើណេតទើប Mai Davika បង្ហោះរូបភាពប៉ុន្មានសន្លឹកបង្អួតរាងស្វែលចង្កេះ២២ នៅលើឆ្នេរខ្សាច់លើបណ្ដាញសង្គម IG ផ្ទាល់ខ្លួន ជាមួយនឹងចំណងជើងថា “ខ្ញុំស្រលាញ់រាងកាយខ្ញុំ ហើយខ្ញុំដឹងថាខ្ញុំមានសុខភាពល្អ ខ្ញុំញ៉ាំអាហារមានជីវជាតិ ហើយខ្ញុំឆ្អែតរាល់ថ្ងៃ មិនដែលបណ្តោយខ្លួនឲ្យឃ្លានឡើយ។ ពិភពលោកក៏មានរូបរាងខុសគ្នាច្រើនដែរ ដូច្នេះហើយ យើងគួរគោរពនិងទទួលយកភាពខុសគ្នានេះ។ សូមមេត្តាយោគយល់គ្នា”!

បន្ទាប់ពីសំណេរដ៏វែងអន្លាយអមនឹងរូបភាពបង្ហោះព្រាតលើអ៉ិនធើណេត អ្នកគាំទ្រជាច្រើនសម្រុកចូលមកបញ្ចេញមតិគាំទ្រ លើកទឹកចិត្តដល់នាងនិងកុំឲ្យតួឯកស្រីក្នុងរឿង “Pee mak” គិតច្រើនជាមួយនឹងការបញ្ចេញមតិគ្មានបានការនិងពូកែតែច្រណែនប៉ុណ្ណោះ។

ទោះយ៉ាងណាក៏ដោយ នេះមិនមែនជាលើកទីមួយសម្រាប់តារាសម្ដែងនិងម៉ូដែល Mai Davika ឡើយ ក្នុងការចេញមុខបកស្រាយពីស្ថានភាពរូបរាងដ៏ស្គមស្គាំងរបស់នាង។ កាលពីលើកមុននាងក៏ត្រូមហាជនរិះគន់ខ្លាំងៗថា អត់អីបរិភោគ អត់ជីវជាតិ ឬស្គមខ្លាំងដូចខ្មោចជាដើម៕