សាលនា ស្នេហាក្មេងៗដែលយុវវ័យគ្រប់គ្នាប្រាថ្នាចង់បាន

ស្នេហា Youtuber មួយគូដែលកំពុងទទួលបានការចាប់អារម្មណ៍ពីអ្នកគាំទ្រ និងមនុស្សគ្រប់គ្នាតែងតែប្រាថ្នាចង់បាន ក្រោយអ្នកទាំង ២ ប្រកាសភ្ជាប់ពាក្យជាមួយគ្នាជាផ្លូវការ កាលពីពេលកន្លងទៅ។

ស្នេហាអ្នកបង្កើតមាតិកា សាលនា បាននិងកំពុងកសាងភាពផ្អែមល្អែមជាមួយគ្នាតាមរយៈវីដេអូជាច្រើន ដែលបានធ្វើឲ្យអ្នកគាំទ្រ និងមនុស្សជាច្រើនលួចសរសើរ និងច្រណែនពួកគេទាំង២។ នៅពីក្រោយការបើកបង្ហាញជាផ្លូវការ ហេង វិសាល និង ស្រីនា លួចទាក់ទងគ្នាជាសម្ងាត់ដោយលាក់បាំងអ្នកគាំទ្រអស់រយៈជាង ៣ឆ្នាំ។ ដោយកាលពីថ្ងៃទី៨ ខែ១០ ឆ្នាំ ២០២២ Youtuber វ័យក្មេងទាំងពីរ បានដឹកដៃគ្នាធ្វើពិធីភ្ជាប់ពាក្យ បង្កការភ្ងាក់ផ្អើលពេញប្រព័ន្ធបណ្ដាញសង្គម និងមានអ្នកគាំទ្រជាច្រើន បានចូលរួមអបអរសាទរជាមួយគូស្នេហាថ្មីនេះផងដែរ។

តាមរយៈវីដេអូដែលបានបង្ហោះនៅលើបណ្ដាញសង្គមរបស់អ្នកទាំង២ជាច្រើន បានបង្ហាញពីភាពផ្ហែមល្ហែម ការយល់ពីគ្នា យកចិត្តទុក្ខដាក់ បារម្ភ និងទុកចិត្តគ្នាទៅវិញទៅមក ដែលទាំងនេះហើយបានធ្វើឲ្យអ្នកគាំទ្រលួចច្រណែនជាមួយស្នេហារបស់អ្នកទាំង២។ លើសពីនេះទៅទៀត សាលនា ក៏ជាគូស្នេហ៍មួយគូ ដែលអ្នកគាំទ្រតែងតែស្រមៃចង់ឲ្យក្លាយទៅជាការពិត មុនពេលអ្នកទាំង២មិនទាន់ប្រកាសជាផ្លូវការពីទំនាក់ទំនងរបស់ពួកគេ ព្រោះដោយសាររូបសម្រស់ និងសមត្ថភាពរបស់អ្នកទាំង២ ពិតជាសាកសមគ្នា​ ដែលធ្វើឲ្យអ្នកគាំទ្រផ្គូផ្គងអ្នកទាំង២ជាញឹកញាប់។

គួររំលឹកថា ហេង វិសាល ត្រូវបានទស្សនិកជនស្គាល់លោកតាមរយៈការធ្វើវីដេអូ Vlogs ផ្សេងៗ ហើយនៅលើ Youtube របស់លោកមានអ្នក Subscribers ដល់ទៅ ១.២៧ លាននាក់ ចំណែក ស្រីនា វិញ ត្រូវបានទស្សនិកជនស្គាល់តាមរយៈជាសិស្សនិទ្ទេសA និងជាអ្នកផាត់មុខ និងមានអ្នក Subscribers នៅលើ Youtube ៣៥៦ ពាន់អ្នក រួមជាមួយអ្នក Followers នៅលើ Instagram ១.៣ លាននាក់ផងដែរ៕
អត្ថបទ៖ ផានិត