អតីតតារាហុងកុង Michelle Reise ត្រូវមហាជនរិះគន់ ព្រោះពាក់រ៉ូបមិនអ៊ុត

អតីតតារាហុងកុង Michelle Reise វ័យ ៥៣ ឆ្នាំ ធ្លាប់ទទួលបានការចាប់អារម្មណ៍ពីមហាជន ដោយសារសម្រស់របស់គាត់ ចាប់តាំងពីឈ្នះការប្រកួតបវរកញ្ញាហុងកុងក្នុងឆ្នាំ ១៩៨៨ កំពុងទទួលការរិះគន់ដោយសាររ៉ូបខ្ទេច ។

អ្នកសង្គមនិយមរូបនេះ មានស្វាមីជាអភិជនឈ្មោះ Julian Hui ដូច្នេះអ្នកស្រីតែងតែធ្វើខ្លួនខ្ញង់ៗជានិច្ច ប៉ុន្តែមិនអាចគេចផុតពីការរិះគន់ដដែល ។ Michelle បានបង្ហោះរូបដ៏ស្រស់ស្អាតជាមួយរ៉ូបវែងពណ៌ប្រផេះ គ្របដណ្ដប់ដោយអាវក្រៅពណ៌ផ្កាឈូក ទៅក្នុង IG ហើយសរសេរភ្ជាប់ថា “ថ្ងៃដែលមានពន្លឺថ្ងៃដ៏ស្រស់ស្អាត (Beautiful sunny day)” ។

ស្រាប់តែមនុស្សមួយចំនួនចាប់ផ្ដើមរិះគន់រ៉ូបដែលមានសភាពខ្ទេចមិនបានអ៊ុតដោយនិយាយថា “មើលទៅស្នាមផ្នត់ច្បាស់ៗណាស់ គ្រាន់តែរំលឹកទេ ។ បើរ៉ូបបានអ៊ុត វានឹងល្អជាងនេះ” ។

សូម្បីអ្នកគាំទ្ររបស់ Julian ក៏ភ្ញាក់ផ្អើលដែរ ព្រោះគាត់ធ្លាប់តែជាស្ត្រីស្អាតឥតខ្ចោះ និងពូកែតែងខ្លួន មិននឹកស្មានថាអ្នកស្រីហ៊ានបញ្ចេញសភាពរ៉ូបដូចខាងលើសោះ ៕

ប្រែសម្រួល ៖ វារី

ចុចអាន ៖ តារាហុងកុង Pakho Chau បែកធ្លាយរូបស្រាត សារជាថ្មី