Lisa ខកចិត្តដែលអ្នកគាំទ្រយល់ច្រឡំលើស្នាមសាក់របស់នាង

ជាច្រើនខែមកហើយដែលស្នាមសាក់លើដើមដៃរបស់តារារ៉េប Lalisa សមាជិកក្រុម BLACKPINK​ ត្រូវអ្នកនិយមលេងអ៊ីនធឺរណិតនាំគ្នាជជែកវែកញែកមិនទាន់ចប់ ព្រោះតែមិនច្បាស់ថា ស្នាមសាក់នោះជារូបអ្វីឱ្យប្រាកដ ថែមទាំងមិនដឹងពីអត្ថន័យពិតរបស់វា។

អ្នកខ្លះថា វាជារូបដើមដូង ខ្លះថាជាទេពធីតាតូច ចំណែកខ្លះទៀតថា ជារូបសត្វមូស។ ក្រោយមានការបញ្ចេញមតិចម្រុះគ្នាយ៉ាងច្រើន អ្នកជិតស្និទ្ធនឹង Lalisa បានចេញមុខមកប្រាប់ការពិត ព្រមទាំងបានបង្ហើបពីអារម្មណ៍ម្ចាស់ស្នាមសាក់ឱ្យអ្នកគាំទ្របានដឹង និងអស់ចម្ងល់ផងដែរ។

តាមពិតរូបសាក់នៅលើដើមដៃ Lalisa ដែលប្រិយធ្លាប់បានឃើញតាំងការប្រគុំតន្ត្រីនៅប្រទេសម៉ិកស៊ិក គឺជារូបទេពធីតាតូច ( Fairy ) ។ បន្ថែមពីលើនេះ អ្នកជិតស្និទ្ធដែលសុំមិនបញ្ចេញឈ្មោះ ប្រាប់ទៀតថា Lisa ពិតជាខកចិត្ត ក៏ដូចជាអន់ចិត្តយ៉ាងខ្លាំង ដែលមានទស្សនិកជនមួយចំនួននិយាយថា ស្នាមសាក់របស់នាងជាសត្វមូសទៅវិញ។ នាងថែមទាំងមានអារម្មណ៍សោកស្ដាយចំពោះទស្សនិកជនដែលរិះគន់លើស្នាមសាក់របស់នាង។

ដោយឡែក ចំពោះមូលហេតុដែលនាំឱ្យ Lalisa សម្រេចចិត្តសាក់រូបនេះ សាមីខ្លួននៅមិនទាន់ប្រាប់ឡើយ ចំណែកអត្ថន័យពិតយ៉ាងណានោះ ក៏មិនទាន់មានអ្នកដឹងដែរ៕

ប្រែសម្រួល៖ សន្យា

ចុចអាន៖ Lisa បង្ហាញស្នាមសាក់មួយទៀត នៅដើមដៃ

ចុចអាន៖ Jungkook សារភាពថា ធ្លាប់អន្ទងវិញ្ញាណខ្មោច តែត្រូវបរាជ័យ