ជីវិតកម្សាន្ដ

Song Hye Kyo បញ្ចេញសម្រស់នៅឯពិធីជប់លៀងរបស់ Chaumet

បានផុស

២ years មុន

នៅ

ថ្ងៃសុក្រ ៩ មិថុនា ២០២៣

ដោយ

លេចមុខក្នុងរាត្រីជប់លៀងរបស់ម៉ាកគ្រឿងអលង្ការ Chaumet ក្នុងនាមជាទូតសុឆ្ទៈ Song Hye Kyo បានក្លាយជាចំណាប់អារម្មណ៍របស់ paparazzi ជាមួយនឹងរូបរាងដ៏ល្អឥតខ្ចោះរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាតារាសម្ដែងល្បីឈ្មោះមួយរូបនៅទឹកដីគីមឈី Song Hye Kyo មិនដែលធ្វើឲ្យទស្សនិកជនខកចិត្តនឹងការសម្ដែងរបស់នាងឡើយ។ មិនត្រឹមតែប៉ុណ្ណោះ សម្រស់កើតក្នុងឆ្នាំ ១៩៨១ ត្រូវបានគេដាក់ឈ្មោះថា “កំណប់សម្រស់ជាតិ” ឬ “ជញ្ជាំងនៃភាពស្រស់ស្អាត” របស់ប្រទេសកូរ៉េ ខណៈនាងតែងបានបង្ហាញភាពស្រស់ស្អាត និងមន្តស្នេហ៍ដ៏អស្ចារ្យម្តងទៀតនៅក្នុងព្រឹត្តិការណ៍នេះ។

ដូចសព្វមួយដង Song Hye Kyo នៅតែផ្តល់អាទិភាពក្នុងការជ្រើសរើសសំលៀកបំពាក់សាមញ្ញៗ ប៉ុន្តែប្រណិតស្មើគ្នា ដើម្បីចូលរួមព្រឹត្តិការណ៍សំខាន់ៗ។ ការត្រលប់មកវិញលើកនេះ នាងស្លៀករ៉ូបពណ៌ស បញ្ចេញដើមទ្រូង រួមជាមួយនឹងខ្សែកដ៏ប្រណិត ដែលទាំងអស់នេះ ធ្វើឲ្យរូបរាងទាំងមូលរបស់តារាស្រីរូបនេះ មើលទៅឆើតឆាយនិងប្រណិតខ្លាំងណាស់។

នេះក៏មិនមែនជាលើកទីមួយទេ ដែល Song Hye Kyo ទាក់ទាញការចាប់អារម្មណ៍ ពេលបង្ហាញខ្លួនជាទូតសុឆន្ទៈ។ មុននោះ តួឯកស្រីរឿង «The Glory» ពេលទៅចូលរួមកម្មវិធីរបស់ Chaumet ហើយរាល់ការបង្ហាញខ្លួនគឺដូចជា ស្នាដៃឯកសម្រស់ធ្វើឲ្យអ្នកគាំទ្រពិបាកនឹងបំភ្លេច៕