ត្រឹមរយៈពេល ១០ នាទី ខ្សែកដែល V ពាក់នៅ ប្រលានយន្តហោះ លក់អស់ទូទាំងពិភពលោក

និយាយពីតារាកូរ៉េខាងត្បូងមាន​ឥទ្ធិពល​ ​ទស្សនិកជនមិន​ដែលភ្លេចឈ្មោះ Kim Taehyung ឬ V សមាជិកក្រុម BTS ជាបុគ្គលមាននិន្នាការត្រូវបានគេមើលគ្រប់ពេលវេលា។

យ៉ាងណាមិញ​ក្នុងរយៈពេល ២ សប្ដាហ៍​មុន Taehyung ត្រូវបានគេប្រទះឃើញពីរ​ដងនៅឯ​អាកាសយានដ្ឋាន​ពេលធ្វើ​ដំណើរទៅ​-មកពីទី​ក្រុង​ម៉ាឌ្រីដ ប្រទេស​អេស្បាញ​ សម្រាប់​កាលវិភាគ​ថត​រឿង​សម្ងាត់មួយ។ តារា​រូប​នេះ​ត្រូវ​បាន​គេប្រទះឃើញ​ពាក់​ខ្សែ​ក​ពណ៌បៃតង In good hands ដោយ Harris Reed x Missoma លក់ក្នុងតម្លៃ ២៥៦ ដុល្លារ។

លោក Harris Reed គឺជា​នាយក​ច្នៃប្រឌិត​នៃ​ផ្ទះ​ម៉ូដបារាំង Nina Ricci ក្រោយដឹងថា Taehyung ពាក់​ផលិតផល​មួយ​របស់គាត់បានចែករំលែកការបង្ហោះតាមរយៈ Instagram។ ភ្លាមៗ​នោះដែរ បន្ទាប់ពី​នេះអ្នកគាំទ្រ សម្រុកទិញលឿន ហើយ​ខ្សែក​ពណ៌បៃតង​បាន​លក់​អស់​ទូទាំងពិភពលោក​ក្នុងរយៈពេលតិចជាង ១០នាទី ដែល​បង្ហាញ​ពី​ឥទ្ធិពល​ដ៏​ធំធេងរបស់ Taehyung ។

ទោះយ៉ាងណាក៏ដោយ នេះមិនមែនជាលើកទីមួយទេដែលអ្នកច្នៃម៉ូដបាននិយាយអំពីឥទ្ធិពលវិជ្ជមានដែល Taehyung មានលើការលក់របស់ពួកគេ​បន្ទាប់ពីគាត់បានពាក់ម៉ាករបស់ពួកគេ៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញឈ្មោះតារា K-Pop ចំនួន ១០ រូប មានគេស្វែងរកច្រើនបំផុតនៅលើ Google

ចុចអាន៖អ្នកគាំទ្រភ័យព្រួយសុខភាពរបស់ Dilraba ក្រោយនាងបង្ហាញខ្លួនលើកនេះស្គមខ្លាំងពេក