Taew បញ្ចេញមតិមួយទៅកាន់ Mai Davika ក្រោយឃើញនាងបង្ហោះសារសុំជំនួយ

ដោយសារតែលែងទ្រាំលែងបាន តារាសម្ដែង Mai Davika បញ្ចេញសារវាយតបនឹង​មនុស្សដែល​និយាយ​ថា​ឲ្យនាងស្គមពេកថា ស្រលាញ់រូបភាពរបស់ខ្លួនឯង ហើយឲ្យអ្នកបញ្ចេញមតិ​គោរព និងទទួលយកភាពខុសគ្នាពីរូបរាង។

ទោះយ៉ាងណាក៏ដោយ ​នាថ្មីៗនេះដោយសារតែភាពតានតឹងខ្លាំងពេក​ តារាសម្ដែង-ម៉ូដែលរូបនេះប្រកាសសុំជំនួយពី​របៀបដោះស្រាយមតិមិនល្អ តាមរយៈ Instagram ផ្ទាល់ខ្លួនដោយ​សរសេរថា “ខ្ញុំនៅផ្ទះ យើងចង់សួរពីរបៀបគ្រប់គ្រង ហើយ​ការ​ដោះស្រាយ​ជាមួយ​នឹង​ការ​បញ្ចេញ​មតិ​អាក្រក់ ឬ​អ្នក​មាន​ថាមពល​អវិជ្ជមាន​ពី​អ្នក​រាល់​គ្នា សូម​ផ្ដល់​យោបល់​ក្នុង​មតិយោបល់​ខាងក្រោម​នេះ​ផង សូម​អរគុណ”។

ជាក់ស្ដែង​អ្នកគាំទ្ររបស់ Mai Davika មិនបានទុកឲ្យតារាស្រីសំណព្វរបស់ពួកគេកើតទុក្ខយូរនោះទេ។ ភ្លាមៗគ្រប់គ្នា​បាន​ចូល​មក​បញ្ចេញ​មតិ​លើកទឹកចិត្តខុសៗគ្នាថា កុំឲ្យនាងគិតច្រើន ​គិតតែពី​មនុស្ស​ល្អៗ​និង​ស្រលាញ់​មនុស្សដែលគិតដល់​យើង ហើយនឹង​មើលថែមនុស្សទាំងនេះឲ្យ​អស់​ពី​សមត្ថភាពទៅបានហើយ។

ដោយឡែក អ្វីដែលមហាជនជាច្រើនចាប់អាម្មណ៍លើសាររបស់ Mai Davika នោះគឺការ​បញ្ចេញមតិ​របស់​តារា​សម្ដែង Taew Natapohn​ ពីក្រោមថា “ប្រសិនបើផ្នត់គំនិតរបស់យើងជាអ្នកឲ្យ គ្មាននរណាម្នាក់អាចយកអ្វីទៅឆ្ងាយពីយើងនោះទេ រួមទាំងអារម្មណ៍ល្អដែលយើងមានសម្រាប់ខ្លួនយើងផងដែរ។ Mai តែងតែផ្តល់ឲ្យ! រាល់​បំណង​ក្នុង​ការងារ​រួម​បញ្ចូល​ទាំង​ការ​លត់ដំ​ខ្លួន។ គ្មាននរណាម្នាក់ដឹងពីតម្លៃ និងការតស៊ូរបស់អ្វីដែលថ្មីជារៀងរាល់ថ្ងៃថាពួកគេត្រូវប្រឈមមុខនឹងការលំបាកណាមួយនោះទេ។ ខ្ញុំអាណិតពួកគេនាស់ តែក៏ត្រូវអត់ទោសឲ្យពួកគេ។

តាមរយៈការបញ្ចេញមតិរបស់តួឯកស្រីក្នុងរឿង “ព្រះម៉ែនាគី” បានធ្វើឲ្យមហាជនហាក់យល់ស្របនឹងគំនិតនេះ ហើយឲ្យ Mai Davika ឈប់តបតនិងស្ងៀមស្ងាត់ប្រសើរជាងនាពេលនេះ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រសរសើរសម្រស់ Patricia Good ជិតដល់ថ្ងៃសម្រាលហើយ នៅតែ​ខ្ញង់​ដដែល