YG ចេញសេចក្ដីថ្លែងការណ៍បន្ទាន់! ក្រោយ Jennie ដើរចេញពីឆាកប្រគំតន្ត្រីភ្លាមៗ

កាលពីយប់មិញ Jennie បានធ្វើឲ្យអ្នកគាំទ្រ Blink ជាច្រើនមានការភ្ញាក់ផ្អើលទូទាំងពិភពលោក បន្ទាប់ពីនៅសុខៗ​នាងស្រាប់តែ​ឈប់​សម្ដែងហើយ​បាត់​ពី​ក្រោយ​ឆាក​ភ្លាមៗ ខណៈ​កំពុងសម្ដែង​ក្នុង​កម្មវិធី​ប្រគំតន្ត្រី Born Pink World Tour នៅ​ទីក្រុង Melbourne ប្រទេស អូស្ត្រាលី ។

យ៉ាងណាមិញ​នាពេល​ថ្មីៗនេះ ភ្នាក់ងាររបស់ BLACKPINK គឺ​ផលិតកម្ម YG បានចេញ​សេចក្ដី​ថ្លែងការណ៍​ភ្លាមៗ​ថា នេះ​បណ្ដាល​មក​ពីបញ្ហា​សុខភាព​របស់នាងកាន់តែយ៉ាប់យ៉ឺន” Jennie បានបង្ហាញការប្តេជ្ញាចិត្តយ៉ាងមុតមាំរបស់នាងក្នុងការបន្តការសម្តែងរហូតដល់ទីបញ្ចប់។ ទោះជាយ៉ាងណាក៏ដោយ បន្ទាប់ពីការណែនាំពីគ្រូពេទ្យនៅនឹងកន្លែង យើងបានចាត់វិធានការភ្លាមៗ ដើម្បីធានាថានាងទទួលបានការសម្រាកគ្រប់គ្រាន់ និងស្ថេរភាព។ Jennie បានបង្ហាញពីការសោកស្តាយរបស់នាងដែលមិនអាចនៅជាមួយអ្នកគាំទ្ររហូតដល់ទីបញ្ចប់ ហើយធានាថានាងនឹងជាសះស្បើយឆាប់ៗតាមដែលអាចធ្វើទៅបាន”។

ទោះយ៉ាងណាក៏ដោយ ឧបទ្ទវហេតុនេះបានកើតឡើងនៅពេលដែលក្រុម Blackpink ឆ្ពោះទៅកាន់ជើងចុងក្រោយនៃដំណើរទេសចរណ៍ពិភពលោកចំនួន ៦២ នៃកាលបរិច្ឆេទ។ ការប្រគុំតន្ត្រីដែលបានគ្រោងទុកបន្ទាប់របស់ពួកគេនឹងធ្វើឡើងនៅថ្ងៃសុក្រ និងថ្ងៃសៅរ៍នេះនៅឯ Qudos Bank ទីក្រុងស៊ីដនី។ ក្រុមនេះបានទទួលជោគជ័យយ៉ាងធំធេងនៅក្នុងប្រទេសនេះ ដោយអាល់ប៊ុមទាំងពីររបស់ពួកគេបានឡើងដល់កំពូលលេខ២ នៅលើតារាង ហើយបានជាប់ចំណាត់ថ្នាក់លេខ១ អូស្ត្រាលីដំបូងរបស់ពួកគេជាមួយនឹង Pink Venom កាលពីឆ្នាំមុន៕

ប្រែសម្រួល៖ សាង ស្រីល័ក្ខ

ចុចអាន៖ត្រឹមរយៈពេល ១០ នាទី ខ្សែកដែល V ពាក់នៅ ប្រលានយន្តហោះ លក់អស់ទូទាំងពិភពលោក

ចុចអាន៖Ahin អតីតក្រុម Momoland បង្អួតឈុតប៊ីគីនីក្រហមឆេះ កក្រើកលើអ៊ីនធឺណិត