ជីវិតកម្សាន្ដ

មហាជនភ្ញាក់ផ្អើលនឹងសម្រស់មិនចាស់របស់តារាសម្តែង Choi Ji Woo ក្នុងវ័យ ៤៩ឆ្នាំ

បានផុស

១ year មុន

នៅ

ថ្ងៃអង្គារ ១៣ មិថុនា ២០២៣

ដោយ

វីដេអូនៅពីក្រោយនៃការថតផ្សព្វផ្សាយរបស់ Choi Ji Woo នាពេលថ្មីៗនេះត្រូវបានចេញផ្សាយ ដោយទទួលបានការចាប់អារម្មណ៍យ៉ាងខ្លាំងពីសំណាក់មហាជន ក៏ដូចជាអ្នកគាំទ្ររបស់នាងជាមួយសម្រស់ដ៏ក្មេងជាងវ័យរបស់នាង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១០ ខែមិថុនា នៅលើគណនី YouTube “YG STAGE” បានបង្ហោះវីដេអូថ្មីមួយមានចំណងជើងថា “ធ្លាក់ក្នុងអន្លង់ស្នេហ៍នឹងសម្រស់ Choi Ji Woo “។ វីដេអូនេះបង្ហាញពី Choi Ji Woo មកដល់កន្លែង ថតស្ពតពាណិជ្ជកម្ម ជាមួយរាងដ៏ស្លីមរបស់នាង ក្នុងឈុតសំលៀកបំពាក់ពណ៌ស។

នៅក្នុងខ្លឹមសារនៃការថតរូបដែលបង្ហាញតាមរយៈវីដេអូ Choi Ji Woo បានធ្វើឱ្យគ្រប់គ្នាចាប់អារម្មណ៍ជាមួយនឹងរូបភាពដ៏ស្រស់និងស្បែកដ៏សស្អាតរបស់នាង។ ជាពិសេសអ្នកគាំទ្រក៏ដូចជាមហាជនជាច្រើនមានការភ្ញាក់ផ្អើលជាមួយនឹងសម្រស់មិនចាស់របស់នាងបើក្រឡេកមើល Choi Ji Woo វាពិតជាពិបាកសម្រាប់អ្នកគ្រប់គ្នាក្នុងការស្រមៃថានាងមានអាយុ ៤៩ ឆ្នាំហើយ ។

យ៉ាងណាមិញ ប៉ុន្មានឆ្នាំក្រោយមក Choi Ji Woo មិនសូវសកម្មក្នុងវិស័យកម្សាន្តទេ បន្ទាប់ពីរៀបការ ជាមួយប្តីក្នុងឆ្នាំ ២០១៨ ដោយមានកូនស្រីម្នាក់ ហើយ នាងបានលះបង់ពេលវេលាភាគច្រើនដើម្បីជីវិតគ្រួសារ ៕

ប្រែសម្រួល៖នាងតូច

ចុចអាន៖Selena Gomez បដិសេធពាក្យចចាមអារ៉ាមថាមានស្នេហាជាមួយ Zayn