ប្រជាជនកូរ៉េប្រដូចស្គ្រីប Jennie នៅក្នុងរឿង The Idol ភាគ២ ទៅនឹងសម្ដីបាតសង្គម

អ្នក​និយម​លេង​អ៊ីនធឺរណិត​កូរ៉េខាងត្បូងនាំគ្នា​ប្រតិកម្មខ្លាំងៗ​នឹង​ការ​បង្ហាញ​ខ្លួន​​របស់ Jennie សមាជិកក្រុម Blackpink នៅក្នុង​ភាគទី២ នៃ​ខ្សែភាពយន្ត The Idol ជាពិសេសស្គ្រីបរបស់នាង ត្រូវគេរិះគន់ប្រដូចទៅនឹងសម្ដីបាតសង្គម។

ភាពចម្រូងចម្រាសក្នុងខ្សែភាពយន្តរឿង The Idol របស់ទូរទស្សន៍ HBO នៅតែបន្តលេចឡើង ក្រោយភាគ២បានបញ្ចប់ការចាក់ផ្សាយ កាលពីថ្ងៃទី១២ ខែមិថុនា ឆ្នាំ២០២៣។  ក្នុងនោះតារាច Kpop កញ្ញា Kim Jennie ត្រូវប្រជាជនខ្លួនលើកគ្នាមករិះគន់ ចំពោះការទទួលយកការសម្ដែងឈុតឆាកស្រើបស្រាល និងការប្រើប្រាស់ពាក្យសម្ដីអាសអាភាសមិនគួរនឹងទស្សនា។

នៅក្នុងភាគទី២នេះ Jennie នៅតែបង្ហាញមុខជាមួយឈុតស្រើបស្រាលមួយចំនួន និងបានប្រើពាក្យអាសអាភាសមួយឃ្លា ដែលទស្សនិកជនមិនពេញចិត្តយ៉ាងខ្លាំង។ ក្នុងរឿងនាងបានសួរទៅតួប្រុសថា “She was a better f*ck than me?” ខណៈពាក្យនេះត្រូវប្រជាជនកូរ៉េចាត់ទុកជាពាក្យអសីលបំផុតសម្រាប់ពួកគេ។

អ្នកគាំទ្រមួយចំនួននៅកូរ៉េបានហៅស្រ្គីបរបស់ Jennie ថាជាស្ត្រីបសំរាម គ្មានគុណតម្លៃ ដែលវាហាក់ដូចកំពុងផ្សព្វផ្សាយឱ្យយុវវ័យស្រមើស្រមៃដល់ការរួមភេទ ព្រមទាំងអាចទាញនាំពួកគេឱ្យប្រព្រឹត្តអំពើអសីលធម៌ទៀតផង៕

ប្រែសម្រួល៖ សន្យា

ចុចអាន៖ Jennie បញ្ឈប់ការសម្ដែងនៅលើឆាកភ្លាមៗ ដោយសារបញ្ហាសុខភាព

ចុចអាន៖ នេះអាចជាមូលហេតុពិតនៃការបែកបាក់ចំណងអាពាហ៍ពិពាហ៍រវាង Song Joong Ki និង Song Hye Kyo