អ្នកគាំទ្រសរសើរអតីតគូស្នេហ៍ Zhao Liying ទោះលែងលះដាច់ស្រេច នៅតែបំពេញតួនាទីជាឪពុកម្ដាយ

រូបភាព​អតីត​គូស្វាមីភរិយា Zhao Liying និង Feng Shaofeng យកកូនប្រុសទៅញ៉ាំអាហារ​ជាមួយគ្នា ធ្វើឲ្យ ទស្សនិកជន​សប្បាយចិត្ត​និង​លួច​សង្ឃឹម​ថា ពួកគេ​ត្រលប់មក​ត្រូវរ៉ូវ​គ្នា​វិញត្បិតថា​លែងលះ​គ្នា​កាល​ពី​ឆ្នាំ ២០២១។

តាមរយៈ​រូបភាពដែលអ្នកលេង​អ៊ីនធឺណិត​លួច​ថត​សកម្មភាព​អតីត​គូស្នេហ៍នេះ​បានបង្ហាញ​ឲ្យឃើញថា ​ពួកគេ​មិន​បាន​ប៉ះទង្គិច​គ្នា​ទេ សូម្បី​តែ​បន្ទាប់​ពី​បាន​ប្រកាស​ពី​ឯកសារ​លែងលះ​រួចរាល់​ហើយ​ក្ដី។ សម្រាប់គូស្នេហ៍តារាចិន Zhao Liying និង Feng Shaofeng បច្ចុប្បន្នអ្នកទាំងពីរកំពុងបំពេញ​តួនាទី​ជាឪពុកម្តាយដ៏អស្ចារ្យសម្រាប់កូនប្រុសរបស់ពួកគេ។

ទោះយ៉ាងណាក៏ដោយ រូបភាពរបស់អតីតគូស្នេហ៍ដែលកំពុងដើរជាមួយគ្នា បានឡើងដល់កំពូលនៃនិន្នាការនៃ WEIBO TRENDING បន្ទាប់ពី Zhao Liying ត្រូវបានគេឃើញជួបជាមួយអតីតស្វាមី និងនាំកូនប្រុសទៅញ៉ាំអាហារពេលល្ងាចជាមួយគ្នា ហើយវាជារូបភាពដ៏កក់ក្តៅមួយដែលមហាជនចង់ឲ្យមានលើបណ្ដាញសង្គមផងដែរ។ ក្នុងនោះក៏មានមនុស្សជាច្រើនបញ្ចេញមតិគាំទ្រចង់ឲ្យអតីតគូស្នេហ៍នេះត្រូវគ្នាវិញ ប៉ុន្តែគ្រាន់តែជាការគិតរបស់តែប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រភ័យព្រួយសុខភាពរបស់ Dilraba ក្រោយនាងបង្ហាញខ្លួនលើកនេះស្គមខ្លាំងពេក