ជីវិតកម្សាន្ដ

រស់នៅជាង ២៤ ឆ្នាំ David Beckham មិនដែលឃើញចិញ្ចើមធម្មជាតិរបស់ភរិយាសូម្បីតែម្ដង

បានផុស

២ years មុន

នៅ

ថ្ងៃពុធ ១៤ មិថុនា ២០២៣

ដោយ

ទោះបីជាមានអាពាហ៍ពិពាហ៍ដ៏មានសុភមង្គលជាងពីរទស្សវត្សមកហើយក៏ដោយ ប៉ុន្តែ Victoria Beckham នៅតែខ្មាស់អៀនក្នុងការបង្ហាញមុខមាត់ពីធម្មជាតិទៅកាន់ស្វាមីរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដ៏កម្រមួយនៅលើ Instagram អ្នកច្នៃម៉ូដ Victoria Beckham បាននិយាយថា “នេះជាលើកទីមួយហើយដែលខ្ញុំឲ្យអ្នកផ្សេងមើលឃើញចិញ្ចើមធម្មជាតិរបស់ខ្ញុំ។ សូម្បីតែប្ដីខ្ញុំ ក៏មិនដែលឃើញខ្ញុំគ្មានចិញ្ចើមដែរ”។

ទោះយ៉ាងណាក៏ដោយ កាលពីទសវត្សរ៍ទី ៩០ ចិញ្ចើមស្តើងគឺជានិន្នាការដ៏ធំមួយ វាមិនមែនជារឿងចម្លែកទេដែលតារាកំពូលស្រីរូបនេះ ក៏បានចូលរួមនិន្នាការនេះយ៉ាងឆាប់រហ័សផងដែរ។ ហើយដើម្បីទទួលបានរូបរាងដែលចង់បាន Victoria ត្រូវបានបង្ខំឲ្យដកចិញ្ចើមរបស់នាងជាទៀងទាត់ រហូតនាងបញ្ចាក់ទៀតថា ប៉ុន្មានឆ្នាំមកនេះ រោមចិញ្ចើមរបស់នាងត្រូវបានដកចេញយ៉ាងច្រើន ប្រសិនបើមនុស្សជាច្រើនឃើញវាស្ថិតក្នុងសភាពធម្មជាតិ នោះនឹងភ័យខ្លាចមិនខានទេ។

ពេលតុបតែងមុខ Victoria បានសារភាពថា “ខ្ញុំចង់បង្ហាញអ្នកថា ចិញ្ចើមខ្ញុំតិចខ្លាំង មានរោមជ្រុះច្រើនប៉ុណ្ណា។ ពេលនេះចិញ្ចើមរបស់ខ្ញុំមិនមានអ្វីទេ ដូច្នេះខ្ញុំត្រូវតែប្រុងប្រយ័ត្ន”។

ថ្វីត្បិតតែមានការចាប់អារម្មណ៍លើចិញ្ចើមរបស់នាងយ៉ាងខ្លាំងក៏ដោយ Victoria នៅតែពេញចិត្តនឹងរូបរាងបច្ចុប្បន្នរបស់នាង។ នាងរៀនពីរបៀបផាត់មុខឲ្យសក្ដិសមនឹងអាយុ ៤៩ឆ្នាំ ចូលចិត្តរូបរាងចាស់ទុំនាពេលបច្ចុប្បន្ន ហើយមានអារម្មណ៍ថាជីវិតផ្ទាល់ខ្លួន និងអាជីពរបស់នាងពិតជាបំពេញបានខ្លាំងណាស់។ Victoria ចូលចិត្តដំណើរការនៃភាពចាស់ ហើយមិនចង់ត្រលប់ទៅអាយុ ២៥ឆ្នាំនោះទេ៕