Jennie ទាក់ទាញអ្នកទស្សនា ៣.៦ លាននាក់ ទោះ “The Idol” រងការរិះគន់ថាអាសអាភាស

ត្បិតថាមានការរិះគន់លើភាពយន្ត “The Idol” ប៉ុន្តែវាក៏បានបង្ហាញខ្លួនយ៉ាងស្រស់ស្អាត​ដែលទទួលបានការចាប់អារម្មណ៍យ៉ាងខ្លាំង​​ ជាមួយ​នឹង​អ្នក​ទស្សនា​ជាង ៣.៦ លាននាក់ក្នុង​សប្ដាហ៍​ដំបូង ខណៈ Jennie សមាជិកក្រុម BLACKPINK​​ អាចជាហេតុផលធំ។

យ៉ាងណាមិញ នេះក៏បង្ហាញថាវាលើសពីកំណត់ត្រាមុនដែលកំណត់ដោយអ្នកដឹកនាំរឿង Sam Levinson’s Europhia ក្នុងឆ្នាំ ២០១៩ ដែលមានអ្នកមើល ៣.៣ លាននាក់ និងស៊េរីឆ្នាំ ២០១១ របស់ HBO រឿង The white Lotus ពីឆ្នាំ ២០២១ ដែល​មាន​អ្នក​មើល ៣ លាន​នាក់​ក្នុង​រយៈពេលដូចគ្នា។

បើ​ទោះ​ជា​ឈាន​ដល់​កំណត់​ត្រា​អ្នក​មើល​ខ្ពស់​នេះ​ក៏​ដោយ ប៉ុន្តែ​ការ​រិះគន់​តាម​អន​ឡាញ​នៃ​រឿង​ភាគ​នេះ ទាំង​ឈុត​ឆាក​មិន​ច្បាស់លាស់​ដែល​ហួស​ពី​ការ​គួរ​ ហើយឈុតឆាក​ដែល​មនុស្ស​មួយ​ចំនួន​បាន​ឃើញ​ថា​មិន​សម​នឹង​ការ​រង់​ចាំ​ ​នោះ​នៅ​តែ​ក្តៅដដែល។ ក្នុងនោះមាន​អ្នក​វិភាគ​ខ្លះ​ថា “The Idol” ស៊េរី​នេះ​មាន​អ្នក​ទស្សនា​ច្រើន​រហូត​ក្លាយ​ជា​កំណត់​ត្រា​ថ្មី នេះ​អាច​មកពី​​អ្វី​ដែលមនុស្សទូទាំងពិភពលោក​ធ្លាប់​ស្គាល់​គឺ Jennie សមាជិកក្រុម BLACKPINK។

ទោះ​យ៉ាងណា​ក៏​ដោយ​ Jennie គ្រាន់​តែ​ជា​អ្នក​ចំណូល​ថ្មី​ក្នុង​វិស័យ​សម្ដែង​ក៏​ដោយ ហើយមិនមានឈុតច្រើនក្នុងវគ្គដំបូងរបស់នាងក៏ពិតមែន។ ប៉ុន្តែឃ្លិបរាំរបស់នាងបានល្បីត្រឹមមួយយប់។ នៅថ្ងៃដំបូងដែលឈុតឆាករាំរបស់នាងត្រូវបានបញ្ចេញនៅលើយូធូប ទទួលបានការចូលមើលជាង២លានដង ខណៈដែលរឿងភាគផ្ទាល់មានអ្នកចូលមើលដល់ទៅ ៩១៣,០០០ ដង ហើយនិន្នាការដែលនិយាយពីជំនាញសម្ដែងរបស់នាងនៅតែកាន់តែក្តៅគគុក រហូតដល់វាអាចក្លាយជាប្រភពនៃអ្នកទស្សនា ៣.៦ លាននាក់នៃស៊េរីនេះ៕

ប្រែសម្រួល៖ សាង ស្រីល័ក្ខ

ចុចអាន៖Sandara Park អតីតសមាជិកក្រុម 2NE1 ត្រៀមចេញចម្រៀងទោលក្នុងពេលឆាប់ៗ