ជីវិតកម្សាន្ដ

បេក្ខភាព សុខុម រចនា ចេញសារអរគុណអ្នកគាំទ្រ និងសូមទោសកំហុសឆ្គង

បានផុស

២ years មុន

នៅ

ថ្ងៃពុធ ១៤ មិថុនា ២០២៣

ដោយ

កញ្ញា សុខុម រចនា បេក្ខភាពប្រឡងកម្មវិធីចម្រៀងលំដាប់ថ្នាក់ពិភពលោក បានចេញមុខអរគុណចំពោះមហាជន អ្នកគាំទ្រ និងបានធ្វើការសូមទោសនូវកំហុសឆ្គងដែលនាងនិយាយនៅលើឆាកប្រឡងនាពេលថ្មីៗ មុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្លឹមសារកញ្ញា សុខុម រចនា បានលើកឡើងថា «សូមអរគុណសម្រាប់ការស្រលាញ់គាំទ្រពីពុកម៉ែបងប្អូនទាំងអស់គ្នាដែលបានគាំទ្ររូបនាងខ្ញុំ តាមរយៈបទ cover «how About Now» ដែលជាបទម្ចាស់ដើមរបស់បងប្រុស G-Devith នាងខ្ញុំសូមអធ្យាស្រ័យចំពោះកំហុសខុសឆ្គង ដោយនិយាយពេលភ្លាមៗ នៅលើឆាកនាងខ្ញុំមិនបានរៀបចំពាក្យនិយាយឲ្យគ្រប់ជ្រុងជ្រោយទេ»។

កញ្ញា សុខុម រចនា បាននិយាយបន្តថា នាងមិនបានតាំងខ្លួនជាម្ចាស់បទទេ។ នាងគ្រាន់តែសប្បាយរីករាយដែលទទួលបានលទ្ធផលល្អ និងអរគុណចំពោះអ្នកទស្សនាបទ cover ក្នុងយូធូបវីយូ 30M ប៉ុណ្ណោះ។ ហើយក៏អរគុណមហាជនសម្រាប់ការបញ្ចេញមតិយោបល់ផងដែរ។ នាងបន្ថែមថា «ខ្ញុំ ពិតជាស្រលាញ់បងប្អូនខ្មែរទាំងអស់គ្នា។ អរគុណខ្លាំងៗ»។

បេក្ខភាពប្រឡងកម្មវិធីចម្រៀងលំដាប់ថ្នាក់ពិភពលោករូបនេះ ក៏បាននិយាយដោយស្នើទៅកាន់អ្នកគាំទ្រដែរថា «អរគុណសម្រាប់ការស្រលាញ់គាំទ្រពីសំណាក់ពុកម៉ែបងប្អូនទាំងអស់គ្នា។ ប៉ុន្តែសូមកុំយកឈ្មោះ និងរូបនាងខ្ញុំ ទៅបង្កើតផេក ឬ អ្វីផ្សេងៗ ទៀត ធ្វើឲ្យមានការយល់ច្រឡំអី។ សុំចិត្តបងប្អូន បើបង្កើតហើយគួរតែដាក់ឈ្មោះបន្ថែម(Fan ឬអ្នកគាំទ្រ) ធ្វើបែបនេះទើបជាចេតនាល្អ»៕

អត្ថបទ ៖ ចាន់រ៉ា