Mai Davika ប្រាប់អ្នកគាំទ្រថា ស្ថានភាពផ្លូវចិត្តនាងធូរស្រាលវិញហើយ

កាលពីពេលថ្មីៗ Mai Davika ហាក់ទទួលរងនៅព្យុះភ្លៀងយ៉ាងខ្លាំងក្លា​ទាក់ទងនឹង​រូបរាង​កាន់តែស្គមខ្លាំង ខណៈក្នុងនោះនាងជួបមតិអវិជ្ជមានជាច្រើន រហូតធ្វើឲ្យស្ថានភាព​ផ្លូវចិត្តកាន់​តែ​យ៉ាប់យ៉ឺន​ឈាន​ដល់​សុំ​ជំនួយ​ពីមហាជន។

ជាក់ស្ដែង​ ​តារាសម្ដែង Mai Davika បាន​បង្ហាញ​ពី​វិធី​ធ្វើ​ឲ្យ​ស្ថានភាព​ផ្លូវចិត្ត​របស់​នាង​ប្រសើរ​ឡើង។ ក្នុង​នោះ​នាងបានសរសេរសារយ៉ាងវែងអន្លាយថា “គ្រាន់តែ​មិនអាន កុំ​ទទួលបាន​ថាមពល​អវិជ្ជមាន។ វា​ពិត​ជា​ជួយ​បាន​ច្រើន យើង​ថា​សង្គម​ឃោរឃៅ ប៉ុន្តែ​សង្គម​ល្អ មនុស្ស​ល្អ​។ យើងប្រាប់ខ្លួនឯងថា កុំអស់សង្ឃឹម វាអាស្រ័យលើយើងក្នុងការជ្រើសរើសអ្វីដែលត្រូវទទួលឬជ្រើសរើសកន្លែងដែលត្រូវដាក់ខ្លួនយើង។ អ្នក​ណា​ដែល​នៅ​តែ​បោះ​រឿង​អាក្រក់​ដាក់​អ្នក​ដទៃ បញ្ឈប់​វា​ទៅ វា​ពិត​ជា​គ្មាន​ប្រយោជន៍​សម្រាប់​អ្នក​ណា​ម្នាក់”។

តាមរយៈខេបសិនហូរហែរបស់តារាម៉ូដែលនិងសម្ដែងរូបនេះ បានធ្វើឲ្យមហាជនជាពិសេសអ្នកគាំទ្រដែលស្រលាញ់លើរូបនាង ចូលមកបញ្ចេញមតិនិង​ផ្ញើ​ការ​លើក​ទឹក​ចិត្ត​ដល់ Mai Davika ជា​បន្តបន្ទាប់។ ក្រោយពី​ប៉ុន្មាន​ថ្ងៃ​នេះ​ ទស្សនិកជនសង្កេតឃើញថា តារាសំណព្វចិត្តរបស់ពួកគេតែងបង្ហោះ​សារ​បង្ហាញពីអារម្មណ៍ទុក្ខសោករបស់នាង តាមរយៈ​បណ្តាញ​សង្គម​ជា​ញឹកញាប់ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ទាក់ទងជាមួយមិត្តប្រុស ១០ឆ្នាំគ្មានន័យ Bow សម្រេចចិត្តបួសកាន់ព្រះធម៌មួយរយៈពេល

ចុចអាន៖បែកមិត្តប្រុសភ្លាមតួឯកស្រីរឿង “បេះដូងអ្នកសង្គ្រោះ” ស្លៀកពាក់បញ្ចេញដើមទ្រូងសិចស៊ីរឹតតែខ្លាំង