Mark-Kim បញ្ចេញរូប Pre-Wedding ៦សន្លឹក មុនចូលរោងការ ៣ខែទៀត

ទើប​តែបង្ហោះ​រូបថត​​ដំណើរកម្សាន្ត​ជាមួយ​គ្នានៅអ៊ីតាលី ពេលនេះអនាគតកូនក្រមុំ Kimberly និងអនាគតកូនកំលោះ Mark Prin នាំគ្នាបញ្ចេញរូប Pre-Wedding ជាច្រើនសន្លឹក មុន​ចូល​រោងការក្នុងរយៈពេល ៣ខែទៀត។

តាមការបង្ហោះនៅលើ Instagram ផ្ទាល់ខ្លួនរបស់ Kimmy Kimberly ទស្សនិកជនបាន​ឃើញ​រូបភាព​ Pre-Wedding ចំនួន ៦សន្លឹក សុទ្ធតែស្អាតៗ និងរ៉ូមែនទិកបំផុត។ នៅក្នុងបរិយាកាសថ្ងៃរៀបលិច ដែល​គូស្នេហ៍​មួយ​គូ​នេះ​​បាន​លាតត្រដាងលើបណ្ដាញសង្គម ធ្វើឱ្យមិត្តភក្តិ និងប្រិយមិត្តសរសើរភាពផ្អែមល្ហែមរបស់កូនកម្លោះ-ក្រមុំ និងអន្ទះសារបន់ឱ្យថ្ងៃពិសេសរបស់អ្នកទាំងពីរមកដល់ឆាប់ៗ។

ជាមួយនឹងរូបភាពទាំងនេះ Mark-Kimberly ក៏បានប្រកាសដែរថា ពិធីជ័យមង្គលរបស់ពួកគេ ដែលត្រូវប្រារព្ធនៅប្រទេសអ៊ីតាលី គឺចំថ្ងៃទី១៤ ខែកញ្ញា ឆ្នាំ២០២៣៕

ប្រែសម្រួល៖ សន្យា

ចុចអាន៖ ស្រឡាញ់គ្នា ៣ឆ្នាំ គេសួរពេលណារៀបការ Taew ឆ្លើយលឿនស្លេវបែបនេះ

ចុចអាន៖ Influencer ចិនម្នាក់ស្លាប់ បន្ទាប់ពីតមអាហារបានពីរថ្ងៃ