ជីវិតកម្សាន្ដ

បាត់មុខ ៥ ឆ្នាំ វិលមកវិញ ហ្វាន់ ពីងពីង នៅតែឈរជើងជាតារាលំដាប់ខ្ពស់ដដែល

បានផុស

២ years មុន

នៅ

ថ្ងៃព្រហស្បតិ៍ ១៥ មិថុនា ២០២៣

ដោយ

បន្ទាប់ពីបាត់មុខអស់រយៈពេល ៥ ឆ្នាំ ថ្មីៗនេះ ហ្វាន់ ពីងពីង បានលេចមុខសារជាថ្មី និងទទួលបានការចាប់អារម្មណ៍ពីទស្សនិកជនទូទាំងពិភពលោក ស្របពេលដែលសម្រស់តារាចិនបន្តលេចឡើងនៅលើកម្រាលព្រំក្រហមនៃមហោស្រពភាពយន្តទីក្រុងកានលើកទី ៧៦, មហោស្រពភាពយន្តអន្តរជាតិទីក្រុងប៊ែកឡាំងឆ្នាំ ២០២៣, ពានរង្វាន់អូស្ការឆ្នាំ២០២៣ និងព្រឹត្តិការណ៍ម៉ូដសំលៀកបំពាក់ដ៏ធំបំផុតរបស់ពិភពលោកនៃសប្តាហ៍ម៉ូដប៉ារីសជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាតារាដែលមានភាពល្បីល្បាញជាមួយនឹងម៉ូដសំលៀកបំពាក់លំដាប់ខ្ពស់ ហ្វាន់ ពីងពីង តែងតែធ្វើឲ្យមហាជនកោតសរសើររាល់ពេលដែលនាងបង្ហាញខ្លួនក្នុងកម្មវិធីធំៗ។ ក្នុងនោះតួឯកស្រីក្នុងរឿង “មហិច្ឆតាអ៊ូម៉ីនាង” តែងតែធ្វើឲ្យរូបភាពរបស់នាងមានភាពលេចធ្លោដោយជ្រើសរើសសំលៀកបំពាក់និងគ្រឿងអលង្ការពីម៉ាកល្បីៗ និងអ្នករចនាជាច្រើនជុំវិញពិភពលោក។

ជាក់ស្ដែង កាលពីពេលថ្មីៗនេះ ហ្វាន់ ពីងពីង បានក្លាយជាតារាលើគម្របទស្សនាវដ្តី Vogue ដែលចេញផ្សាយក្នុងខែកក្កដា ឆ្នាំ២០២៣ ជាភាសាអង់គ្លេស។ ក្នុងការបង្ហាញខ្លួននេះ សម្រស់របស់នាង បង្ហាញពីភាពលេចធ្លោបែបអភិជន និងមានឥទ្ធិពលក្នុងការបង្ហាញខ្លួន ដែលទាក់ទាញអ្នកទស្សនារាប់សិបលាន។

នៅលើក្របទស្សនាវដ្តីបន្ទាប់ពីអវត្តមានជាច្រើនឆ្នាំ ហ្វាន់ ពីងពីង បានជ្រើសរើសគ្រឿងអលង្ការចំនួនពីរដែលរួមមាន The Phoenix Returns និង Brilliant Sun ពីអ្នករចនាជនជាតិវៀតណាម Le Nguyen Nhat Linh ។ ការរចនាទាំងនេះបានរួមចំណែកលើកតម្កើងសម្រស់នារីត្បូងចិនផងដែរ។

ទោះយ៉ាងណាក៏ដោយ ជាង២០ឆ្នាំនៃសកម្មភាពសិល្បៈ ហ្វាន់ ពីងពីង បានលេចមុខក្នុងស្នាដៃល្បីៗជាច្រើនទាំងក្នុងវិស័យភាពយន្ត និងទូរទស្សន៍ចិន។ ក្នុងឆ្នាំ ២០១៨ អាជីពរបស់នាងបានរងនូវរឿអាស្រូវគេចពន្ធរហូតត្រូវគេហាមឃាត់មិនឲ្យបង្ហាញមុខក្នុងវិស័យសិល្បៈអស់រយៈពេលដល់ទៅ៥ឆ្នាំឯណោះ៕