BLACKPINK នឹងសម្រាកមួយរយៈពេលខ្លី មុននឹងបន្តកាលវិភាគដ៏មមាញឹក

បន្ទាប់ពីកាលវិភាគដ៏តានតឹងបានអូសបន្លាយអស់រយៈពេលកន្លះឆ្នាំ ទីបំផុត BLACKPINK នឹងមានការសម្រាកមួយរយៈពេលខ្លីមុនពេលចាប់ផ្តើមការងារដ៏មមាញឹករបស់ពួកគេឡើងវិញ ។

ក្រោយពីស្ថានភាពសុខភាពចុះខ្សោយជាបន្តបន្ទាប់របស់សមាជិកក្រុម BLACKPINK ផលិតកម្ម YG Entertainment បានធ្វើសេចក្តីប្រកាសអំពីការសម្រាកបណ្តោះអាសន្នរបស់ក្រុម មុនពេលបន្តវិលត្រឡប់មកវិញ។ នៅពេលនេះ BLACKPINK នៅតែស្ថិតក្នុងដំណើរការប្រគំតន្ត្រីទេសចរណ៍ជុំវិញពិភពលោក Born Pink ហើយក្រុមនឹងត្រលប់មកវិញក្នុងពេលឆាប់ៗនេះបន្ទាប់ពីសម្រាក។

ជាក់ស្តែង យោងតាមការប្រកាស BLACKPINK នឹងរីករាយនឹងការសម្រាកមួយរយៈខ្លី បន្ទាប់ពីបញ្ចប់ការប្រគំតន្ត្រីលើកទីពីរនៅទីក្រុងស៊ីដនី ក្នុងប្រទេសអូស្ត្រាលីនៅថ្ងៃទី ១៧ ខែមិថុនា។ បន្ទាប់ពីបញ្ចប់សមាជិកទាំង ៤ នាក់នឹងមានពេលប្រហែល ១ ខែដើម្បីសម្រាកនិងបញ្ចូលថាមពលមុនពេលត្រលប់មកវិញជាមួយនឹងកាលវិភាគការប្រគំតន្ត្រីក្នុងប្រទេសបារាំងនៅថ្ងៃទី ១៥ ខែកក្កដា។

យ៉ាងណាមិញ ក្រោយពីការប្រកាសនេះត្រូវបានបង្ហោះ អ្នកគាំទ្របានធូរចិត្តជាខ្លាំងចំពោះការព្រួយបារម្ភ នៅពេលដែល BLACKPINK មានពេលសម្រាកបន្ទាប់ពីកាលវិភាគដ៏តានតឹងជាបន្តបន្ទាប់ដែលមានរយៈពេលកន្លះឆ្នាំ ៕

ប្រែសម្រួល៖នាងតូច

ចុចអាន៖Song Joong Ki និងភរិយា ស្វាគមន៍កូនប្រុសដំបូងនៅប្រទេសអ៊ីតាលី