ខេម លើកឡើងហេតុផលមួយចំនួនក្រោយ បឺត សំរេច ទម្លាយថាជាកូនប្រុសបង្កើតលោកតា ស៊ិន ស៊ីសាមុត

ដូចដែលប្រិយមិត្តបានដឹងហើយថា មកដល់ពេលនេះគឺនៅមានអ្នកប្រើប្រាស់បណ្តាញសង្គមហ្វេសប៊ុក និងមហាជនជាច្រើនបានផ្ទុះការចាប់អារម្មណ៍វែកញែកបន្ទាប់អតីតកីឡាករលោក បឺត សំរេច បានទម្លាយយ៉ាងភ្ញាក់ផ្អើលថារូបលោកគឺជាកូនប្រុសបង្កើតរបស់អធិរាជសំឡេងមាស ស៊ិន ស៊ីសាមុត ។

តាមរយ:ដំណឹងភ្ញាក់ផ្អើលនេះ គឺស្របពេលដែលលោក ប៊ឺត សំរេច បានចេញមុខបញ្ជាក់នៅក្នុងកម្មវិធីចម្រៀងគ្រួសារខ្មែរ។ នៅក្នុងកិច្ចសម្ភាសន៍ក្នុងកម្មវិធីចម្រៀងគ្រួសារខ្មែរលោក បឺត សំរេច បាននិយាយថា លោកគឺជាកូនប្រុសបង្កើតរបស់លោកតា ស៊ិន ស៊ីសាមុត ដែលមានម្តាយជាអ្នករបាំព្រះរាជទ្រព្យនាសម័យមុន និងជាគ្រូពេទ្យប្រចាំនៅខេត្តកំពង់ឆ្នាំង។

ជាមួយគ្នាដំណឹងដ៏ភ្ញាក់ផ្អើលនេះដែរស្រាប់តែតារាចម្រៀងសំឡេងស្អក លោក ខេម បានចេញមកលើកឡើងចំណុចមួយចំនួនពាក់ព័ន្ធលោក បឺត សំរេច ។ ខេម បាននិយាយថា តេីពុកម៉ែបងប្អូនយល់យ៉ាងណាដែរ​? សំរាប់លោកមុខស្រដៀង​ សំឡេងស្រដៀង​ បញ្ជាក់លោកធ្លាប់ស្គាល់យូរហេីយតាំងពីលោកនៅស្រុកកំណេីតមកម្ល៉េះ​ តាំងតែពីលោកមិនទាន់ចូលសិល្បះទៅទៀត​។

តារាចម្រៀង ខេម បានបន្ថែមថា ប៉ុន្តែលោកមិនដឹងថា គាត់ជាកូនអ្នកណាទេ​ហេីយស្គាល់តាមរយ: បឺត​ ខាំ​ ទៅទៀត​បេីអ៊ីចឹងមែនលោកពិតជាមានសំណាងហេីយ។

សូមជម្រាបដែរថា បើតាមលោក បឺត សំរេច បានបញ្ជាក់ថា លោកបានដឹងរឿងរ៉ាវខាងលើនេះឡើងតាមរយ:ការរៀបរាប់ប្រាប់ពីសំណាក់ម្តាយចិញ្ចឹមរបស់លោកដែលនិយាយអំពីរឿងនេះ (កូនបង្កើតលោកតា ស៊ិន ស៊ី សាមុត)៕

អត្ថបទ៖ ចាន់រ៉ា