តួស្រី ជប៉ុន ម្នាក់កំពុងល្បី ដោយសារតែសម្រស់ស្អាតខ្លាំង

តារាសម្ដែងនិងម៉ូដែល Mio Imada កំពុងសាយភាយសម្រស់របស់នាងយ៉ាងខ្លាំងក្លាទៅកាន់អ្នក​ទស្សនា ​បន្ទាប់ពី​បង្ហាញខ្លួនក្នុងរឿងភាគជាបន្តបន្ទាប់។ ជាពិសេសនោះគឺនាងបានលេចមុខ​ជាតួស្រី​ក្នុងរឿងភាគ​ដ៏ល្បី “Boys Over Flowers”។

ទន្ទឹមគ្នានេះដែរ ភាព​ស្រស់​ស្អាតរបស់នាងបានឈរ​លំដាប់ក្នុង​ប្រទេស​នាមជា​តារា​សម្ដែង និង​ជា​តារា​ម៉ូដែល​ជប៉ុន ​មក​ពីទីក្រុង Fukuoka។ នាងទទួលបាន​រហស្សនាម​ចុង​ក្រោយ ​ដែល​ទស្សនិកជន​ដាក់ឲ្យ​នោះ​គឺ​ស្រីស្អាតលេខមួយរបស់ Fukuoka ឬ “Prettiest Girl in Fukuoka”។

ទោះយ៉ាងណាក៏ដោយ Mio Imada បាន​ចាប់ផ្ដើម​អាជីព​សម្ដែង និងជាតារាម៉ូដែលរបស់នាងនៅក្នុងឆ្នាំ ២០១៥ បន្ទាប់ពីត្រូវបានគេ​ដាក់ឈ្មោះដោយភ្នាក់ងារផ្សាយពាណិជ្ជកម្មក្នុងស្រុក។ ការស្គាល់ដ៏ធំរបស់នាងពីទស្សនិកជន​បានកើត​ឡើង​ក្នុង​ឆ្នាំ ២០១៨ នៅពេលដែលនាងត្រូវបានសម្តែងជា Airi Maya សម្រាប់រដូវកាលទីពីរ​នៃរឿងភាគ​ជប៉ុន​ដ៏​ល្បី “Boys Over Flowers” ។

ចាប់ពីពេលនោះមក តារាស្រី​ជប៉ុនវ័យ ២៦ឆ្នាំរូបនេះ បានលេចមុខជាបន្តបន្ទាប់ ដោយទាក់បេះដូងអ្នកទស្សនាមិនជិនណាយ​តាម​រយៈការ​សម្ដែង​ដ៏​ប៉ិនប្រសព្វ​និង​ជំនាញ​ពីធម្មជាតិរបស់នាង។ លើសពីនេះ Mio Imada ក៏ទទួលបានពានរង្វាន់ជាច្រើនផងដែរ ទាក់ទងនឹងសម្រស់ស្រស់ស្អាតខ្លាំង និងជំនាញសម្ដែងរបស់នាងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖គ្រូពេទ្យវះកាត់បង្ហាញតារា K-POP ៤ រូប ដែលនារីជុំវិញពិភពលោកចង់កែសម្ផស្សដូចបំផុត