ភរិយាអ្នកជំនួញហៃសូ Note Wiset សម្រាលបានកូនស្រីដំបូង

បន្ទាប់ពីមានផ្ទៃពោះជាង ៣៨ សប្ដាហ៍ នៅទីបំផុត​តារាសម្ដែង Patricia Good សម្រាលបាន​កូនស្រី​ដំបូង​របស់នាងហើយកាលពីថ្ងៃទី ១៦ ខែមិថុនា ហើយថែមទាំងបញ្ចាក់ថាឈ្មោះ​កូនស្រីភ្ជាប់ឈ្មោះ​ម្ដាយ​និង​ឪពុក​បញ្ចូល​គ្នា។

តាមរយៈការបង្ហាញរូបភាពដ៏កក់ក្តៅរួមគ្នាក្នុងគ្រួសារតូចលើ​បណ្តាញ​សង្គម​ជា​លើក​ដំបូង Patricia បានសរសេរខេបសិនលើរូបភាពយ៉ាង​សប្បាយ​រីករាយថា “សូមស្វាគមន៍មក​កាន់ពិភពលោក Alicia កូនស្រីដ៏គួរឲ្យស្រលាញ់របស់យើងកើត​នៅថ្ងៃទី ១៦ ខែមិថុនានៅ ៣៨ សប្តាហ៍ + ២ថ្ងៃ។ ប៉ាម៉ាក់មានអំណរគុណណាស់ ដែលបានបង្កើតកូនឲ្យមានសុខភាពល្អនៅក្នុងដៃរបស់ប៉ាម៉ាក់។ (Welcome to the world, Alicia our sweet baby girl born on the 16th of June at 38 weeks + 2 days we are so grateful to hold you healthily in our arms.)។

ទោះយ៉ាងណាក៏ដោយ ​កូនស្រី​សេដ្ឋី Note Wiset ដែលមានឈ្មោះថា Alicia ត្រូវមហាជនដឹងថានាងតូចមាន​ទំងន់៣គីឡូជាង និងមានសុខភាពល្អទាំងម្ដាយនិងកូន ស្របពេលដែលទស្សនិកជននិងមិត្តរួមអាជីពសិល្បៈជាច្រើនបានចូលមក​អបអរសាទរ​ដល់​ឪពុក​ម្តាយថ្មីថ្មោង Patricia Good និង Note Wiset​ យ៉ាងច្រើនក្រាស់ក្រែលផងដែរ៕

ប្រែសម្រួល៖ សាង ស្រីល័ក្ខ

ចុចអាន៖នាងតូចក្នុងរឿង “ឡៃឡាធីតាយក្ខ” បង្ហាញខ្លួនលើកម្រាលព្រំក្រហម អ្នកគាំទ្រចំណាំសឹងមិនស្គាល់