ជីវិតកម្សាន្ដ

សុខ ពិសី រំភើបខ្លាំង ក្រោយនារីម្នាក់ លះបង់សាច់ខ្ចីសាក់រូបនាងលើស្មា

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

តារាចម្រៀងកញ្ញា សុខ ពិសី គិតរហូតមកទល់បច្ចុប្បន្នត្រូវបានគេចាត់ទុកថា នាងជាកំពូលតារាចម្រៀងសំនៀងផ្អែម ដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត ពិសី ថ្វីត្បិតនាងមានវ័យកាន់តែជ្រេបន្តិចមែន ប៉ុន្តែគេនៅគិតថានាងជារាជិនីសម្រស់ដែលស្រស់ស្អាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុផលនេះហើយទើបបានអ្នកគាំទ្រយល់ឃើញថា នេះជាជោគជ័យដ៏ធំរបស់តារាស្រីកញ្ញា សុខ ពិសី បន្ថែមទៀត ទាំងរូបសម្ផស្ស អាជីពសិល្បៈ និងមុខជំនួញរបស់នាងនាពេលបច្ចុប្បន្ន។ មិនតែប៉ុណ្ណោះ ពិសី ក៏នៅតែរក្សាបានសន្ទុះ នៃការគាំទ្រ និងមានទីផ្សារចម្រៀងខ្លាំងមិនចាញ់មិត្តភ័ក្ដិរួមជំនាន់ឡើយ។

ដោយឡែកចាប់អារម្មណ៍រឿងធ្វើឲ្យតារាចម្រៀងសំនៀងផ្អែម កញ្ញា សុខ ពិសី រំភើបខ្លាំងថែមទៀតនោះ ក្រោយពេលតារាស្រីរូបនេះបានឃើញអ្នកគាំទ្ររបស់ខ្លួនម្នាក់ដែលស្រលាញ់នាងពេក រហូតចំណាយសាច់ខ្ចីសាក់ឈ្មោះ សុខ ពិសី លើដើមទ្រូងយ៉ាងមានន័យទៀតផង។

តាមរយៈរូបភាពដែលនារីរូបនោះបានឆ្លាក់ឈ្មោះកំពូលតារាចម្រៀង សុខ ពិសី បានសរសេរថា«Sok Pisey DiLyQueen»។ យ៉ាងណាមិញ បន្ទាប់ពីឃើញរូបភាពបែបនេះ សាមីខ្លួនកញ្ញា សុខ ពិសី ក្រៅពីបង្ហាញអារម្មណ៍រំភើប នាងក៏លើកឡើងដោយខ្លីថា «មើលនៅតែរំភើប belovedfan»។ ជាមួយរូបភាពសាក់ឈ្មោះកញ្ញា សុខ ពិសី ខាងលើនេះដែរ បានបង្ហាញថា តារាស្រីរូបនេះនៅតែមានឥទ្ធិពលផ្នែកវិស័យចម្រៀង ពិសេសការគាំទ្រពីសំណាក់មហាជន និងមិត្តៗយុវវ័យតែម្ដង៕

អត្ថបទ ៖ ចាន់រ៉ា