ជីវិតកម្សាន្ដ

សមាជិកទាំងបីនាក់របស់ក្រុម EXO ផ្សះផ្សាជាមួយផលិតកម្ម SM នឹងបន្តកុងត្រាថ្មី

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

កាលពីព្រឹកមិញនេះ ខាងផលិតកម្ម SM Entertainment បានធ្វើការប្រកាសជាផ្លូវការទាក់ទងនឹងបញ្ហាកិច្ចសន្យារបស់សមាជិក EXO បីនាក់គឺ Chen, Baekhyun និង Xiumin អាស្រ័យហេតុនេះក្រុមហ៊ុនបានបញ្ជាក់ថា ភាគីទាំងសងខាងនឹងបន្តធ្វើការជាមួយគ្នា បន្ទាប់ពីបានផ្សះផ្សាគ្នារួចរាល់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតកម្ម SM Entertainment បាននិយាយនៅក្នុងសេចក្តីថ្លែងការណ៍មួយថា “យើងនិងសិល្បករទាំងបីមានពេលវេលាដើម្បីពិភាក្សាគ្នាឱ្យបានហ្មត់ចត់អំពីបញ្ហារបស់យើង។ យើងមានសេចក្តីសោមនស្សរីករាយក្នុងការជូនដំណឹងដល់អ្នកថាយើងបានដោះស្រាយបញ្ហាណាមួយដែលបណ្តាលមកពីការយល់ច្រលំ។ ខ្ញុំបានសម្រេចចិត្តផ្សះផ្សាគ្នា និងឈានដល់ការព្រមព្រៀងគ្នា” ។

ក្រោយបង្ហោះភ្លាម ដំណឹងនេះធ្វើឱ្យអ្នកគាំទ្រមានការភ្ញាក់ផ្អើលជាខ្លាំងចំពោះដំណោះស្រាយរបស់ SM ។ វាហាក់បីដូចជាបន្ទាប់ពីការចរចារមួយរយៈពេល SM និងសមាជិក EXO ទាំងបីនាក់បានរកឃើញដំណោះស្រាយមួយ ហើយបានសម្រេចចិត្តបន្តចុះកុងត្រា។ នេះក៏មានន័យថា Chen, Baekhyun និង Xiumin នឹងនៅជាមួយក្រុម EXO ជាបន្ត ។

កន្លងមក សមាជិកទាំងបីបានដាក់ពាក្យប្ដឹង SM ថាបានប្រើកិច្ចសន្យារយៈពេល ១២ ទៅ ១៣ ឆ្នាំ។ លើសពីនេះទៅទៀត SM ក៏ត្រូវបានគេចោទប្រកាន់ថាបានបង្ខំសមាជិកទាំងបីនាក់របស់ក្រុម EXO ឲ្យបន្តកុងត្រាក្នុងរយៈពេលដែលអាចមានរហូតដល់យ៉ាងតិច ១៧ ទៅ ១៨ ឆ្នាំ លក្ខខណ្ឌ នៃកិច្ចសន្យាក៏ត្រូវបានគេរកឃើញថាមានភាពអយុត្តិធម៌ផងដែរ ដោយរំលោភលើច្បាប់បច្ចុប្បន្នជុំវិញកិច្ចសន្យានៅក្នុងឧស្សាហកម្មកម្សាន្ត ៕

ប្រែសម្រួល៖នាងតូច

ចុចអាន៖សមាជិក ៣ នាក់នៃក្រុម EXO បញ្ចប់កុងត្រាមុនកាលកំណត់ជាមួយ SM