ជីវិតកម្សាន្ដ
ទោះមិនទទួលលទ្ធផលល្អ ព្រះកាយច័ន្ទ សប្បាយចិត្តបានបំពេញបំណងឪពុកដែលចែកឋាន
ជាការពិតទោះមានឈ្មោះជាអ្នកសិល្បៈល្បីនៅលើវិស័យភាពយន្ត តែ ព្រះកាយច័ន្ទ នៅតែបង្ហាញខ្លួនដោយចូលរួមប្រឡងកម្មវិធីចម្រៀងលំដាប់ថ្នាក់ពិភពលោក The Voice Cambodia រដូវកាលទី ៣ដើម្បីសម្រេចក្ដីបំណងមួយនេះ។
![](https://www.kampucheathmey.com/wp-content/uploads/2023/06/IMG_20230619_150048.jpg)
ការបង្ហាញវត្តមានរបស់តារាសម្ដែងចាស់វស្សា កញ្ញា ព្រះកាយច័ន្ទ នៅលើឆាក នៃការប្រឡងលំដាប់ថ្នាក់ពិភពលោកមុននេះ បានធ្វើឲ្យមហាជន និងអ្នកគាំទ្រ ពិសេសនិយមតាមដានវិស័យប្រឡងចម្រៀងនៅកម្ពុជា មានក្ដីរំភើប ថែមទាំងភ្ញាក់ផ្អើលខ្លាំងផងដែរ។ ប៉ុន្តែអ្វីដែលសោកស្ដាយ ព្រះកាយច័ន ពុំទទួលបានលទ្ធផលល្អទេ ពោលគឺមិនទទួលបានកៅអីឆ្លងទៅវគ្គបន្តទេ។
![](https://www.kampucheathmey.com/wp-content/uploads/2023/06/IMG_20230619_150058.jpg)
ថ្វីត្បិតស្រីស្អាត ព្រះកាយច័ន្ទ មិនអាចឈ្នះឆ្លងទៅវគ្គបន្តនៅក្នុងការប្រឡងនេះក្ដី តែនាងបានបំពេញតាមបំណងលោកឪពុកដែលចែកឋានរួចហើយ។ ម្យ៉ាងទៀត នាង ក៏ទទួលយកនូវលទ្ធផលនេះដោយការសប្បាយចិត្ត និងចាត់ទុកជាបទពិសោធន៍ ហើយខិតខំបន្តទៀត។ សំខាន់នាងបានបំពេញបំណងឪពុកហើយ ជាប់មិនជាប់ វាជារឿងធម្មតាក្នុងការប្រឡង។
![](https://www.kampucheathmey.com/wp-content/uploads/2023/06/IMG_20230619_150110.jpg)
ក្នុងនោះ ព្រះកាយច័ន្ទ ក៏បានសូមសំណូមពរចំពោះអ្នកគាំទ្រកុំបញ្ចេញមតិអវិជ្ជមាន ឬពាក្យមិនសមរម្យចំពោះកម្មវិធី ឬគណៈកម្មការ ព្រោះនាងយល់ថា អ្នកទាំងអស់គ្នាសោកស្ដាយ ប៉ុន្តែវាមិនពិបាកទេដែលយើងទទួលយកការពិត។ នាងនៅតែរីករាយជាមួយសកម្មភាព និងលទ្ធផល កាលពីយប់មិញ ហើយអារម្មណ៍ថាបរាជ័យដោយភាពស្រស់ស្អាត បរាជ័យដោយសេចក្ដីថ្លៃថ្នូរ និងទទួលក្ដីស្រឡាញ់បានយ៉ាងច្រើនពីមហាជន។
![](https://www.kampucheathmey.com/wp-content/uploads/2023/06/FB_IMG_1687161588247.jpg)
សូមបញ្ជាក់ថា ព្រះកាយច័ន្ទ បានចូលប្រឡូកក្នុងសិល្បៈនាអំឡុងឆ្នាំ ២០១១ ខណៈទស្សនិកជនស្គាល់នាងដំបូងតាមរយៈការធ្វើជាពិធីការិនី និងសម្ដែងភាពយន្តជាច្រើនរួមមាន “ផ្ការីកក្នុងចិត្ត” របស់ CTN និងរឿង”ភ្លើងព្យាបាទ” របស់ស្ថានីយទូរទស្សន៍ប៉ុស្តិ៍លេខ ៩ ជាដើម។ បច្ចុប្បន្ន ព្រះកាយច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយលើអាជីពសិល្បៈស្ទើរគ្រប់ទម្រង់៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2023/06/FB_IMG_1687161621080.jpg)
![](https://www.kampucheathmey.com/wp-content/uploads/2023/06/IMG_20230619_150131-700x1024.jpg)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក