អ្នកគាំទ្រមិនពេញចិត្ត ក្រោយ Squid Game វគ្គ២ បង្ហាញមុខតួថ្មី ៤នាក់

ខ្សែភាពយន្ត Squid Game ដ៏ល្បីល្បាញរបស់កូរ៉េខាងត្បូង កាលពីចុងឆ្នាំ២០២១  បានប្រកាសត្រឡប់មកវិញនូវរដូវកាលទី២របស់ខ្លួន ដោយបន្ថែមនូវតួថ្មីចំនួន ៤នាក់ ប៉ុន្តែបែរជាធ្វើឱ្យអ្នកគាំទ្រសម្ដែងមតិមិនពេញចិត្តចំពោះតួទាំងនោះ។

កាលពីថ្ងៃទី១៧ ​ខែមិថុនា ឆ្នាំ២០២៣ ក្រុមហ៊ុន Netflix បានប្រកាសចំណងជើង Squid Game វគ្គ២ ដែលមានចំណងជើងថា  Squid Game: The Challenge និងបានបង្ហាញមុខតួ ៤នាក់សំខាន់ៗដែលនឹងចូលរួមក្នុងវគ្គថ្មីនេះ។ ក្រោយពេលប្រកាសមុខតួ និងបញ្ចេញវីដេអូឃ្លីប ស្រាប់តែទស្សនិកជនបាននាំគ្នារិះគន់រិះគន់ទៅលើផលិតករ។

តាមពិតមតិទស្សនិកជនមិនមែនមិនពេញចិត្តចំពោះតួទាំង ៤នោះឡើយ ប៉ុន្តែពួកគេលើកឡើងថា ផលិតករមិនបន្ថែមតួស្រី ឬតួមនុស្សចាស់ ដូចជាវគ្គទី១​។ ​កាលពីវគ្គ១ រឿង Squid Game បង្ហាញពីទិដ្ឋភាពចម្រុះនៃមនុស្សក្នុងសង្គមមានទាំងស្រី ទាំងប្រុស មនុស្សចាស់ក្មេងជាច្រើន ដែលក្នុងនោះរួមទាំងជនអន្តោប្រវេសន៍ផងដែរ ខណៈវគ្គថ្មីនេះ ដូចជាគ្មានតួទាំងនោះទៅវិញ។

ទន្ទឹមនឹងមតិរិះគន់ មហាជនជាច្រើនបានសម្ដែងនូវក្ដីរំភើបដែលរឿង Squid Game អាចចេញផ្សាយវគ្គ២ ក្នុងពេលឆាប់ៗ ហើយពួកគេបានលើកឡើងផ្ទុយពីមតិអវិជ្ជមានខាងលើថា រឿងមិនទាន់ចាក់ផ្សាយនោះទេ ដូច្នេះគ្រប់គ្នាមិនអាចវាយតម្លៃត្រឹមតែឃ្លីបជាង ១នាទីនោះបានឡើយ៕

ប្រែសម្រួល៖ សន្យា

ចុចអាន៖ អ្នកលេងអ៊ីនធឺរណិតសរសើរការសម្ដែងរបស់ Jennie នៅក្នុងរឿង The Idol ភាគ៣

ចុចអាន៖ Netflix ទម្លាយឈ្មោះតួថ្មីក្នុងរឿង Squid Game វគ្គ ២