ជីវិតកម្សាន្ដ

Lisa ក្លាយជាតារា K-pop ដំបូងគេមានអ្នកតាមដាន ៩៥ លាននាក់នៅលើ Instagram

បានផុស

២ years មុន

នៅ

ថ្ងៃអង្គារ ២០ មិថុនា ២០២៣

ដោយ

កាលពីថ្ងៃទី ១៧ ខែមិថុនា Lisa សមាជិកក្រុម BLACKPINK បានក្លាយជាតារា K-pop ដំបូងគេដោ យទទួលបានអ្នកគាំទ្រចំនួន ៩៥ លាននាក់នៅលើប្រព័ន្ធផ្សព្វផ្សាយសង្គមដ៏ពេញនិយម Instagram ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមិទ្ធិផលនេះបានបញ្ជាក់ពីប្រជាប្រិយភាពរបស់នាងនិងជាតារា K-pop ដែលមានការតាមដានច្រើនជាងគេ ដែលជាសក្ខីភាពដល់ភាពទាក់ទាញនិងឥទ្ធិពលសកលរបស់នាង។ Lisa មិនត្រឹមតែជា តារា K-pop ដំបូងគេដែលសម្រេចបាននូវសមិទ្ធិផលនេះទេ ប៉ុន្តែនាងថែមទាំងលេចធ្លោជាងតារាថៃផ្សេងៗនៅប្រទេសរបស់នាង ។

លើសពីនេះ Lisa ជាប់ចំណាត់ថ្នាក់លេខ ៣ ក្នុងចំណោមតារាអាស៊ីជាច្រើន ដោយនេះជាមោទនភាពមួយបានបង្ហាញ ពីប្រជាប្រិយភាពដ៏ល្បីល្បាញរបស់នាងនៅលើទីផ្សារអន្តរជាតិផងដែរ។ ជាពិសេសក្នុងនោះមានការព្យាករណ៍ពីកំណើនអ្នកតាមដាន Instagram របស់នាងនឹងអាចឈានទៅដល់ចំណុចសំខាន់មួយទៀតដោយមានអ្នកតាមដាន ១០០ លាននាក់នៅឆ្នាំ ២០២៤ ។

យ៉ាងណាមិញ Lisa បានបើកគណនី Instagram ផ្ទាល់ខ្លួនរបស់នាងក្នុងខែ មិថុនា ឆ្នាំ ២០១៨ រហូតមកដល់ពេលនេះក្នុងរយៈពេល ៤ ឆ្នាំដើម្បីបំបែកកំណត់ត្រាមួយនេះ ដោយនាងចែករំលែកយ៉ាងសកម្មនូវតន្ត្រីរបស់នាងប្រចាំថ្ងៃ និងនៅពីក្រោយវីដេអូ រូបថតនិងច្រើនទៀតនៅលើគណនី របស់នាង៕

ប្រែសម្រួល៖នាងតូច

ចុចអាន៖អ្នកលេងអ៊ីនធឺរណិតសរសើរការសម្ដែងរបស់ Jennie នៅក្នុងរឿង The Idol ភាគ៣