ជីវិតកម្សាន្ដ

សូ ដានីតា ផ្តើមទម្លាយម្តងមួយៗ អ្នកបោកលុយតុងទីនទាំង ២១ នាក់

បានផុស

១ year មុន

នៅ

ថ្ងៃអង្គារ ២០ មិថុនា ២០២៣

ដោយ

បន្ទាប់ពីប្រកាសថាខ្លួនជាជនរងគ្រោះជុំវិញរឿងរ៉ាវបំណុលតុងទីន ខណៈកូនៗរត់ចោលមិនទទួលខុសត្រូវ អ្នកនាង សូ ដានីតា តារាចម្រៀង និងសម្តែងល្បីឈ្មោះមួយរូប ពេលនេះអស់ភាពអត់ធ្មត់ ចាប់ផ្តើមទម្លាយអត្តសញ្ញាណម្តងមួយៗ ចំពោះបុគ្គលដែលបានបោកលុយទាំង ២១ នាក់ ជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងកាលពីយប់ថ្ងៃទី ១៩ ខែមិថុនា ឆ្នាំ ២០២៣ នេះ តារាស្រី សូ ដានីតា បានបញ្ចេញឈ្មោះ និងរូបភាពបណ្ដើរៗហើយ ដោយបុគ្គល ២នាក់ ប្តីប្រពន្ធ ក្នុងចំនួនទឹកប្រាក់ជាង ៨ ម៉ឺនដុល្លារ។ អ្នកនាង សូ ដានីតា បានបញ្ចេញខ្លឹមសារភ្ជាប់រូបភាពដូច្នេះថា «កុំឲ្យខ្ញុំរែកតែឯងពេក ពួកអ្នកឯងបោកលុយទៅអស់ ទុកឲ្យខ្ញុំស្អុយឈ្មោះក្នុងសង្គមដោយសារពួកអ្នកឯង នៅសល់ ២១ នាក់ទៀត ផុសបន្តបន្ទាប់»។

តារាស្រី សូ ដានីតា បានបញ្ជាក់ដែរថា «សឿន ចាន់ណា ចេញមុខមកដោះស្រាយ ៨១.៧០០ ដុល្លារ ប្រពន្ធបោក ប្តី មកបង្វែងដានរហូតបាត់ស្រមោលឈឹង អ្នកបាត់ដំណឹងសូន្យ បងប្អូនមានដឹងផ្ទះ ឬទីតាំងកន្លែងធ្វើការជនម្នាក់នេះទេ? អ្នកប្រាប់ទៅដល់កន្លែងភ្លាមៗ នាងខ្ញុំជូនរង្វាន់ ២០០ ដុល្លារភ្លាមៗ»។

យ៉ាងណាមិញ ឆ្លើយតបការលើកឡើងរបស់អ្នកគាំទ្រដែលបានចូលទៅ Comment ថា ឈឺចាប់ណាស់បង ជំពាក់មិនសងអ៊ីចឹង ,ខ្លះទៀតថា មេតុងទីន ១០ នាក់ រត់ ១១ នាក់ហើយ ដោយកូនតុងទីនបោក។ ចម្លើយត្រូវបាន សូ ដានីតា បញ្ជាក់ថា នាងឈឺចាប់ជាងគេ ពេលទុកឱកាសឲ្យគេច្រើនដង តែនៅមិនដឹងខ្លួន ហើយរត់គេច។ នាងថា «តែខ្ញុំអត់រត់ទេ នៅឈរដោះស្រាយគ្រប់បញ្ហា»៕

អត្ថបទ៖ ចាន់រ៉ា